သူမရဲ့ လှပတဲ့အသွင်အပြင်နဲ့ပတ်သတ်ပြီး အံ့ဩစရာလျှို့ဝှက်ချက်တစ်ခုကို ပြောပြခဲ့တဲ့ Lisa..

‘W Korea’ က Lisa နဲ့ အင်တာဗျူးဗီဒီယိုတစ်ခုကို သူတို့ရဲ့တရားဝင် ‘YouTube Channel’ မှ တစ်ဆင့် ချပြပေးခဲ့ပါတယ်။ အဆိုပါအင်တာဗျူးမှာ Lisa က ပရိသတ်တွေအံ့ဩရလောက်အောင် မထင်မှတ်ထားတဲ့အရာတစ်ခုကို ပြောပြခဲ့ပါတယ်။

Lisa ရဲ့ အသွင်အပြင်နှင့် ပြီးပြည့်စုံတဲ့ခန္ခာကိုယ်ကိုကြည့်ပြီး မိန်းကလေးပရိသတ်တွေအနေနဲ့ အတော်လေးအားကျနေကြမှာပါ။ ရှည်လျားသေးသွယ်ပြီး ဆွဲမက်စရာကောင်းလောက်အောင် လှပတဲ့ခန္ဓာကိုယ်ကြောင့် လေ့ကျင့်ခန်းတွေ မကြာခဏလုပ်နေလိမ့်မယ်လို့ ထင်ကောင်းထင်နိုင်ပါတယ်။ ဒါကြောင့်ပဲ အင်တာဗျူးမှာ လှပတဲ့ခန္ဓာကိုယ်ကိုရရှိဖို့ ဘယ်လိုလေ့ကျင့်ခန်းတွေကို ပြုလုပ်ဖြစ်လဲဆိုတဲ့အကြောင်း W Korea ရဲ့ အင်တာဗျူးမှာ မေးမြန်းခဲ့ပါတယ်။

အဆိုပါမေးခွန်းအပေါ် Lisa ကတော့ ရိုးရိုးရှင်းရှင်းပဲ “မဟုတ်ဘူး..။ တစ်ကယ်တော့  အပတ်တိုင်းဖျော်ဖြေပွဲတွေရှိနေတဲ့အတွက် လေ့ကျင့်ခန်းမလုပ်ဖြစ်ပါဘူး” လို့ ပြန်ဖြေပေးခဲ့ပါတယ်။ ဒါ့အပြင် သူမရဲ့ကျန်းမာရေးအတွက် Born Pink ဖျော်ဖြေပွဲတိုင်းမှာ ဗီတာမင်နှင့် ဂျင်ဆင်းနီကို မကြာခဏဆိုသလို သယ်ဆောင်သွားကြောင်းလည်း ဖွင့်ဟခဲ့ပါတယ်။

ဘာလေ့ကျင့်ခန်းမှမလုပ်ဘဲ ဒီလောက်လှနေတာကတော့ အံ့ဩစရာကောင်းပြီး မိန်းကလေးတိုင်းလိုချင်နေကြမှာပါနော်..။