ယခုလက်တလောမှာ BORN PINK Tour ကို ကမ္ဘာတစ်ဝှမ်းကျင်းပနေတဲ့ BLACKPINK အဖွဲ့ဝင် Jennie က သူမငယ်ငယ်ကကျောင်းသူဘဝမှာ အကြိုက်ဆုံးဘာသာရပ်နှင့် အကြောက်ဆုံးဘာသာရပ်တွေအကြောင်း ထုတ်ပြောခဲ့ပါတယ်။ Jennie ရဲ့ English အသံထွက်အရမ်းကောင်းနေတာကိုလည်း သတိပြုမိကြမှာပါ။ အကြောင်းကတော့ သူမ (၁၀) သားကတည်းက New Zealand မှာ ပြောင်းရွှေ့ပညာသင်ကြားခဲ့လို့ ဖြစ်ပါတယ်။
အင်တာဗျူးတစ်ခုမှာ ကျောင်းစာတွေနဲ့ပတ်သတ်ပြီး Jennie က “အကြိုက်ဆုံးဘာသာရပ်ကတော့ သင်္ချာနှင့် သိပ္ပံပါ..။ ဖော်မြူလာတွေလေ့လာရတာနှင့် ဒေတာတွေထည့်သွင်းရတာကို အရမ်းသဘောကျပါတယ်။ အကြောက်ဆုံးဘာသာရပ်ကတော့ ဒုတိယဘာသာစကားလို့ပြောရမယ့် အင်္ဂလိပ်စာပါ။ ဒါပေမယ့် သင်္ချာဖော်မြူလာနှင့် သိပ္ပံဘာသာရပ်အတွက်လိုအပ်ချက်တွေကိုတော့ ကိုးရီးယားလိုမှတ်လို့ရပါတယ်..” လို့ ထုတ်ပြောခဲ့ပါတယ်။
အင်္ဂလိပ်စာလေ့လာရာမှာ သူငယ်ချင်းတွေဆိုက အကူအညီများစွာရခဲ့ကြောင်း ဝန်ခံခဲ့ပြီး အပြန်အလှန်အနေနဲ့ သူငယ်ချင်းတွေကို ကိုးရီးယားစာသင်ပေးခဲ့တယ်လို့လည်း ပြောခဲ့ပါတယ်။ သင်္ချာနှင့် သိပ္ပံဘာသာရပ်တွေမှာ သင်ယူခဲ့တဲ့ပညာရပ်တွေကို နေ့စဥ်ဘဝမှာ အသုံးချနေကြောင်းလည်း ရှင်းပြခဲ့ပါတယ်။
Jennie တစ်ယောက် K-pop Idol သာမဖြစ်ခဲ့ရင် သိပ္ပံပညာရှင်တစ်ယောက် ဖြစ်နေလောက်ပါပြီ..။
Bong I.T