Jisoo ဟာ Flower ဆိုတဲ့သီချင်းနှင့်သူ့ရဲ့ပထမဆုံးတစ်ကိုယ်တော်ပွဲဦးထွက်ကို အောင်အောင်မြင်မြင်စတင်ခဲ့ပါတယ်။ Flower ဟာထွက်ရှိပြီးနောက်ပိုင်း အင်တာနက်ပေါ်မှာ ဆက်တိုက် ရေပန်းအစားဆုံးသီချင်းဖြစ်ခဲ့သလို Music Show တွေမှာလည်းတစ်ခြားအိုင်ဒေါအဖွဲ့တွေကိုကျော်ပြီး ပထမရနိုင်ခဲ့တာဖြစ်ပါတယ်။

အခုဆိုရင် Jisoo ရဲ့ Flower သီချင်းဟာ Music Show Win ပေါင်း (9) ခုအထိရှိလာပြီးတော့ 2023 အတွက် Win အများဆုံးတစ်ကိုယ်တော်အဆိုတော်ဖြစ်လာပြီပဲဖြစ်ပါတယ်။ Jisoo ဟာသူ့ရဲ့အင်စတာဂရမ်ကနေပြီး ဒီမှတ်တမ်းတွေအတွက် Blinks တွေကိုကျေးဇူးတင်ကြောင်း ပို့စ်တင်ခဲ့ပါတယ်။

လက်ရှိမှာတော့ BlackPink အဖွဲ့ဟာဖျော်ဖြေပွဲတွေဆက်တိုက်လုပ်နေတာဖြစ်ပြီး မကြာခင်မှာ Comeback Album အသစ်ထွက်လာနိုင်ခြေလည်းရှိပါတယ်။ Jisoo ဟာလက်ရှိအချိန်မှာ Show Champion နှင့် Inkigayo မှာ Triple Win တွေရထားတာဖြစ်ပြီး နောက်အပတ်တွေမှာလည်းဆုရနိုင်ခြေရှိသေးတာကြောင့် စံချိန်အသစ်တွေတင်နေအုံးမယ်လို့ ခန့်မှန်းထားကြပါတယ်။

Source – Kbizoom