တောင်ကိုးရီးယားရဲ့အိုင်ဒေါအဖွဲ့တွေဆိုတာ ထိန်းချုပ်မှုတွေများပြီး ဘယ်အရာကိုမှအလွယ်တကူမလုပ်နိုင်တဲ့သူတွေဖြစ်ပါတယ်။ ဒါပေမဲ့ AOA အဖွဲ့ဝင်ဟောင်းဖြစ်တဲ့Jimin ကတော့ အဖွဲ့ထဲကထွက်ပြီးနောက်ပိုင်း မှာတော်ရုံမိန်းကလေးသဘောမကျတတ်တဲ့ တက်တူးတွေကိုသဘောကျကြောင်း အင်တာဗျူးတွေမှာဖြေဆိုခဲ့ပါတယ်။
၂၀၁၉ ခုနှစ်တုန်းက အင်တာဗျုးတစ်ခုမှာ သူမဟာတက်တူးထိုးရတာကိုသဘောကျကြောင်း တက်တူးအခုနှစ်ဆယ်ကျော်လောက်ထိုးထားကြောင်းဖြေကြားခဲ့ဖူးပါတယ်။ အခုတစ်ခါမှာတော့ Jimin က သူရဲ့အင်စတာဂရမ်ပို့စ်ကနေပြီး တက်တူးအသစ်တွေကိုထုတ်ဖော်လာခဲ့တာဖြစ်ပါတယ်။
JImin ဟာ သူ့ရဲ့လျှာပေါ်မှာ ကြယ်ငါးလိုအရုပ်ကလေးကိုတက်တူးထိုးထားပြီး ဆင်တူပုံစံထိုးထားတဲ့သူငယ်ချင်းနှင့်ပုံကိုတင်ခဲ့တာဖြစ်ပါတယ်။ နောက်ဆုံးပုံမှာ လျှာပေါ်ကတက်တူးဟာ ယာယီဆွဲထားတာလို့ယူဆလို့ရပေမဲ့ Jimin ရဲ့တက်တူးချစ်စိတ်ကိုတော့ သေချာဖော်ပြပေးနိုင်ခဲ့ပါတယ်။
Source – jiminbaby_18/ Instagram