ကြင်စဦးအိမ်လေးနဲ့ ကြင်စဦးဇနီးမောင်နှံဘဝကို ထုတ်ဖော်ပြသခဲ့တဲ့ Se7en နဲ့ Lee Da Hae တို့ ဇနီးမောင်နှံ

တောင်ကိုရီးယားရဲ့ နာမည်ကြီးစုံတွဲလေးဖြစ်တဲ့ အဆိုတော် Se7en နဲ့ မင်းသမီး Lee Da Hae တို့ဟာ မကြာသေးခင်က သူတို့ရဲ့နေ့စဉ်ကြင်စဦးဘဝနဲ့ သူ့တို့ရဲ့ မင်္ဂလာဦးအိမ်လေးကို ထုတ်ဖော်ပြသခဲ့ပါတယ်။Se7en နဲ့ Lee Da Hae တို့ဟာ SBS ရဲ့ “Same Bed, Different Dreams 2: You Are My Destiny” အစီအစဉ်မှာ ဧည့်သည်တွေအဖြစ်ပါဝင်ခဲ့ပြီး အခုလိုထုတ်ဖော်ပြောကြားခဲ့တာ ဖြစ်ပါတယ်။

Se7en နဲ့ Lee Da Hae တို့ဟာ သူတို့မင်္ဂလာပွဲအပြီးဒုတိယနေ့မနက်မှာ ကြည့်ရှုသူတွေကို နှုတ်ဆက်ခဲ့ပြီး သူတို့ရဲ့ကြင်စဦးအိမ်လေးကို ပြသခဲ့ပါတယ်။သူတို့ဇနီးမောင်နှံရဲ့ အိမ်ဟာ အိမ်အသစ်မဟုတ်ခဲ့ပဲ ဇနီးသည် Lee Da Hae ရဲ့ အိမ်ပဲ ဖြစ်တာကြောင့် ပရိသတ်တွေအနေနဲ့လည်း စိတ်ဝင်စားခဲ့ကြပါတယ်။ထိုအကြောင်းနဲ့ပက်သက်ပြီးလည်း ဇနီးမောင်နှံနှစ်ယောက်က ရှင်းပြခဲ့ကြပါတယ်။

Lee Da Hae က `` ကျွန်မတို့အိမ်အသစ်ရှာဖို့ စဉ်းစားခဲ့ပေမယ့် ရှာဖို့စိတ်ကအဆင်မပြေခဲ့ဘူး ၊ကျွန်မတို့အိမ်နှစ်ခုကို ပေါင်းစည်းဖို့ဆိုတာ မလွယ်တာကြောင့် ကျွန်မအိမ်မှာပဲ နေကြဖို့ဆုံးဖြတ်ခဲ့တာပါလို့ ပြောကြားခဲ့ပါတယ်။ခင်ပွန်းဖြစ်သူ Se7en ကလည်း `` ကျွန်တော်လည်း ရွေးချယ်စရာမရှိခဲ့ပဲ သူမသဘောအတိုင်းသာလက်ခံခဲ့ရတယ် ‘’ လို့ပြောကြားခဲ့ပါတယ်။

ရိုက်ကူးရေးနေ့မှာတော့ Se7en ဟာ မနက်စာအတွက်ပြင်နေတာကို တွေ့ခဲ့ရပြီး ဇနီးဖြစ်သူကို အိပ်နေတာကို သွားနှိုးခဲ့ပါတယ်။ဇနီးလေးကို နှိုးရာမှာ `` ကလေး ‘’ လို့သုံးနှုန်းခဲ့တာကြောင့်ပရိသတ်တွေရဲ့ အာရုံကိုလည်းရရှိခဲ့ပါသေးတယ်။Lee Da Hae ကတော့ အိပ်ယာထချင်ပုံမရသေးပဲ ဆက်လက်အနားယူချင်တာကို တွေ့ခဲ့ရပါတယ်။Se7en က မနက်စာပြင်ပြီးပြီလို့ ပြောမှတာ အိပ်ယာထကာ နှစ်ယောက်အတူ ပျော်ပျော်ရွှင်ရွှင် မနက်စာစားခဲ့ကြတာကို တွေ့ခဲ့ရပါတယ်။

ဒီမြင်ကွင်းလေးကို မြင်ခဲ့ရတဲ့ ပရိသတ်တွေကလည်း ကျေနပ်နေကြပြီး သူတို့နှစ်ယောက်ရဲ့ ကြင်စဦးဘဝလေးကိုကြည့်ကာ ကြည်နူးနေခဲ့ကြပါတယ်။ဆက်လက်ပြီးSe7en နဲ့ Lee Da Hae တို့ဟာ သူတို့အိမ်ထောင်ရေးကို ကောင်းကင်နဲ့တူတဲ့ အိမ်ထောင်ရေးအဖြစ်ဖန်တီးမယ်လို့ ကတိပေးပြီး အစီအစဉ်လေးကို အဆုံးသတ်ခဲ့ကြပါတယ်။

Photos : Credit