တစ်ချိန်က မြန်မာရုပ်ရှင်ဇာတ်ကားတွေကို စိုးမိုးနိုင်ခဲ့သလို ပရိသတ်တွေရဲ့ အသည်းနှလုံး ကို အကြည့်စူးစူး ၊ ပီပြင်တဲ့သရုပ်ဆောင်ချက်တွေနဲ့ သိမ်းပိုက်ယူထားနိုင်တာကတော့ အားလုံးရဲ့အချစ်တော် မင်းသားချော ဟိန်းဝေယံ ဖြစ်ပါတယ်။
မင်းသားချော ဟိန်းဝေယံ ဟာ အနုပညာလှုပ်ရှားမှုတွေ လုပ်ဆောင်နေရင်း ရုတ်တရက်ဆိုသလို အနုပညာလောကမှ ခေတ္တပျောက်ကွယ်သွားခဲ့တာကြောင့် ပရိသတ်တွေအနေနဲ့ အတော်လေး စိတ်ပူခဲ့ရပါတယ်။ သို့ပေမယ့်လည်းအခုအခါမှာတော့ ပရိသတ်တွေနဲ့ အဆက်မပြတ်အောင် ပြန်လည်ပြီး အနုပညာလှုပ်ရှားမှုတွေ ပြုလုပ်နေပြီပဲဖြစ်ပါတယ်။
ဒီကနေ့ မေလ(၁၂)ရက်နေ့ကတော့ ကိုဟိန်းဝေယံ ရဲ့ မွေးနေ့ဖြစ်ပါတယ်။ ဒီကနေ့ မေလ(၁၂)ရက်နေ့မှာ ကျရောက်တဲ့မွေးနေ့အလှူအဖြစ် သရုပ်ဆောင် ဟိန်းဝေယံက ရန်ကုန်မြို့ ၊ ဒဂုံမြို့သစ်တောင်ပိုင်း ၊ (၁၀၆)ရပ်ကွက်ရှိ " အာနန္ဒမာရဘ " ကျောင်းတိုက်မှာ သံဃာတော် အရှင်သူမြတ်များအတွက် နေ့ဆွမ်းဆပ်ကပ်လှူဒါန်းခြင်းနဲ့အတူ အနီးရပ်ဝန်းရှိ ဒေသခံပြည်သူ အယောက်(၅၀၀)စာအတွက် နံနက်စာ ထမင်း ၊ ဟင်းများကို စတုဒီသာကျွေးမွေးလှူဒါန်းပေးခဲ့ပါတယ်။
Source - MyanmarloadTV
Bong I.T