အကယ်ဒမီ မင်းသမီးချော မခိုင်သင်းကြည် ရဲ့ သမီးချောဖြစ်သူ ၊ အနုပညာနဲ့ပတ်သက်လာရင် မော်ဒယ် ၊ သရုပ်ဆောင် နှင့် အဆိုပညာပိုင်း အကုန်လုံးကို ဝါသနာပါပါနဲ့ တကယ်ကိုကြိုးစားနေသူကတော့ အားလုံးကချစ်ကြပြီး ထိပ်ထိပ် လို့ ချစ်စနိုးနဲ့ခေါ်ဆိုကြတဲ့ စံထိပ်ထားဦး ပဲ ဖြစ်ပါတယ်။

ထိပ်ထိပ် လို့ ချစ်စနိုးနဲ့ခေါ်ဆိုကြတဲ့ စံထိပ်ထားဦး ဟာ ဆိုရင် အမေဖြစ်သူ မင်းသမီးချော ခိုင်သင်းကြည် နည်းတူ ပရိသတ်ရဲ့ အားပေးချစ်ခင်မှုကို အပြည့်အဝရရှိထားပြီး လက်ရှိမှာလည်း သူမချစ်ရတဲ့ ပရိသတ်အတွက် အနုပညာလှုပ်ရှားမှုအနေနဲ့ တေးသီချင်းများစွာကို Cover Song အနေနဲ့ ပြန်လည်သီဆိုနေရင်း ပရိသတ်များကို စိတ်ချမ်းသာမှုများပေးစွမ်းနေသူလေးတစ်ဦးဖြစ်ပါတယ်။

ပရိသတ်တင်သာမက မိသားစုကိုလည်းသိပ်ချစ်တဲ့ ထိပ်ထိပ်လေးဟာ ဒီကနေ့ ဧပြီလ(၂၄)ရက်နေ့မှာ ကျရောက်လာတဲ့ သူမရဲ့ ဖေဖေ နဲ့ မေမေ ရဲ့ မင်္ဂလာနှစ်ပတ်လည်နေ့အတွက် ဆုမွန်ကောင်းတောင်းပေးလာတာဖြစ်ပြီး လက်ရှိမှာ ထိန်းသိမ်းခံထားရတဲ့ သူမရဲ့ ဖေဖေကိုလည်း သတိရကြောင်း ပြောဆိုထားပါသေးတယ်။ ထိပ်ထိပ်လေးတစ်ယောက် မိသားစု နဲ့အမြန်ဆုံးပြန်လည်ဆုံစည်းနိုင်ပါစေလို့လည်း ဆုတောင်းပေးလိုက်ပါတယ်။