နိုင်ငံတကာရှိ ကမ္ဘာကျော် အနုပညာရှင်စုံတွဲတွေထဲ အသက်(၁၀)နှစ်ကွာဟမှုရှိပြီး တစ်ဦးအပေါ်တစ်ဦး အရမ်းကို ချစ်ခင်ကြင်နာမှုနဲ့ ပြည့်စုံလွန်းတဲ့ စုံတွဲလို့ နာမည်ကြီးတဲ့ အတွဲတစ်တွဲဆိုရင်တော့ နစ်ခ်ဂျိုးနတ်စ် နဲ့ ပရီရန်ကာချိုပရာ တို့ စုံတွဲပဲဖြစ်ပါတယ်။

နစ်ခ်ဂျိုးနတ်စ် နဲ့ ပရီရန်ကာချိုပရာ တို့ဟာ အသက်(၁၀)နှစ်ကွာဟမှုရှိပေမယ့် တစ်ဦးနှင့်တစ်ဦး အရမ်းကို ချစ်ခင်ကြတဲ့အပြင် ဂရုစိုက်လွန်းတဲ့အပြုအမူတွေကြောင့် ပရိတ်သတ်တွေတိုင်းအားကျရတဲ့စုံတွဲတစ်တွဲလည်းဖြစ်ပါတယ်။ သူတို့ ဇနီးမောင်နှံနှစ်ဦးမှာ ပထမသမီးဦးလေးကို အငှားကိုယ်ဝန် နဲ့ ရယူထားခဲ့ကြပြီး သမီးလေးရဲ့ နာမည်ကိုတော့ မယ်ရီ လို့ပေးထားတာဖြစ်ပါတယ်။

ပရီရန်ကာကလည်း သူမကိုယ်တိုင်ပါဝင်သရုပ်ဆောင်ထားတဲ့ Citadel ရုပ်ရှင် အဖွင့်ပွဲ ကို သိပ်မကြာခင်က လန်ဒန်မှာ တက်ရောက်ခဲ့ပါတယ်။ အဆိုပါပွဲကိုတက်ရောက်ခဲ့ချိန်မှာ ဗိုက်ကလေး ဟာ လုံးဝန်းနေတာကြောင့် ဒုတိယကိုယ်ဝန် လွယ်ထားရပြီလားလို့ ကောက်ချက်ချခံနေရပြီဖြစ်ပါတယ်။ ဘာထုတ်ဖော်ပြောကြားချက်မှမရှိပေမယ့်လည်း သူမ သာ ဒုတိယကိုယ်ဝန်ရခဲ့မယ်ဆိုရင် ပရိသတ်ကတော့အတိုင်းထက်အလွန်ဝမ်းသာနေမိမှာပါပဲ။