ရည်ရွယ်မိုးဇာတ်လမ်းထဲကလိုမျိုး အပြင်မှာ မဟုတ်တဲ့အကြောင်း ပြောလိုက်တဲ့ မေမြင့်မိုရ်

ရည်ရွယ်မိုး ဇာတ်လမ်းဟာဆိုရင် လက်ရှိမှာ ပရိသတ်တွေကြား လူစိတ်ဝင်စားမှု မြင့်တက်နေတဲ့ ဇာတ်လမ်းဖြစ်ပါတယ်။ ရည်ရွယ်မိုး ဇာတ်လမ်းကို မြန်မာတစ်နိုင်ငံလုံးက ရုပ်ရှင်ရုံတွေမှာ ဧပြီလ ၁၇ ရက်နေ့  ၊ နှစ်ဆန်းတစ်ရက်နေ့မှာ စပြီးပြသခဲ့တာဖြစ်ပါတယ်။

 ဇာတ်လမ်းထဲမှာ မေမြင့်မိုရ်က ရည်ရွယ်မိုး အဖြစ် ပါဝင် သရုပ်ဆောင်ခဲ့တာဖြစ်ပြီး သူမကို ဝိုင်းကြိုက်ကြတဲ့ သူ ၃ ယောက်ကတော့ နေမင်းသစ်အဖြစ် ရဲရင့်အောင် ၊ ငမန်းကြီးအဖြစ် နေဝင်းနဲ့ ၊  ဦးဘုန်းသန့်အဖြစ် ကျော်ရဲအောင်တို့ပဲ ဖြစ်ပါတယ်။

ကောင်လေး ၃ ယောက်ကို အမိအရ ဖမ်းပြီး ရအောင် ဖမ်းချုပ်နိုင်တဲ့ ရည်ရွယ်မိုးဆိုတဲ့ ကောင်မလေးကို ပရိသတ်တွေက များစွာ အားကျနေကြပြီး ရည်ရွယ်မိုးတစ်ယောက် ဘယ်လို နည်းလမ်းတွေနဲ့ ကောင်လေးတွေကို အမိအရ ဖမ်းခဲ့တာလဲဆိုတာကို ပရိသတ်တွေက သိချင်နေကြပါတယ်။

အဆိုပါအကြောင်းအရာလေးက တစ်စ တစ်စ ပြန့်နှံ့လာပြီးနောက်မှာတော့ မေမြင့်မိုရ်မှာ သူမရဲ့ လူမှုကွန်ရက် စတိုရီလေးပေါ်မှာ ဇာတ်လမ်းထဲက ရည်ရွယ်မိုးက ချုပ်တက်ပေမယ့် အပြင်က မေမြင့်မိုရ်ကတော့ အင်္ကျီပဲချုပ်တတ်ပါတယ်ဆိုပြီး ဟာသလေး တင်ပေးခဲ့တာဖြစ်ပါတယ်။

ဇာတ်လမ်းထဲက ရည်ရွယ်မိုး စွံသလိုမျိုး အပြင်က မေမြင့်မိုရ်က မဟုတ်ဘူးဆိုတဲ့ အကြောင်းလေးကို ဟာသလေး နှောပြီး တင်ပေးခဲ့တဲ့ မင်းသမီးချောလေး မေမြင့်မိုရ်ရဲ့ အကြောင်းကို ချစ်ဖို့ကောင်းစွာလေး တင်ပေးလိုက်ပါတယ်။