BTS အဖွဲ့ဝင် Suga ဟာ BTS အဖွဲ့ ပွဲဦးထွက်စက ဘယ်လောက်ကြိုးစားခဲ့ရကြောင်း ပရိသတ်တွေကို ရင်ဖွင့်ခဲ့ပါတယ်။BTS ဟာ ၃နာရီထက်ပိုပြီး မအိပ်ခဲ့ရကြောင်း ပြောကြားရင်းနဲ့ ပရိသတ်တွေကို အံ့သြမှင်သက်စေခဲ့ပါတယ်။

Suga နဲ့ Jimin တို့ဟာ မကြာသေးခင်က နာမည်ကြီး MC Yoo Jae Sok နဲ့ တွေ့ဆုံခဲ့ပြီး ပွဲဦးထွက်စအချိန်က ဘယ်လောက်ပင်ပန်းခဲ့ကြောင်း ပြောပြခဲ့ပါတယ်။Suga က ပွဲဦးမထွက်ခင် ၆ လအလိုမှာ အပြင်းအထန်ကြိုးစားခဲ့ရပြီး အိပ်ချိန်နဲ့စားချိန်ကလွဲပြီး ကျန်တဲ့အချိန်တွေမှာ အမြဲကကြောင်း ပြောကြားခဲ့ပါတယ်။

ထိုအချိန်တုန်းက HYBE LABEL ခေါင်းဆောင် Bang Si Hyuk ကလည်း စည်းကမ်းအလွန်တင်းကျပ်ပြီး လွန်ခဲ့တဲ့ ၅နှစ်ကျော် ၆နှစ်က ၃နာရီထက်ပို မအိပ်ရပဲ ၂ နာရီတစ်ခါ နိုးလေ့ရှိကြောင်း သူတို့အဖွဲ့ရဲ့ ကြိုးစားခဲ့ရပုံကို ပြောပြခဲ့ပါတယ်။

Suga ရဲ့ ပြောကြားချက်ကို Jimin ကလည်း သဘောတူခဲ့ပြီး အခုအချိန်မှာတော့ ထိုအခြေအနေနဲ့မတူတော့ပဲ အချိန်ကို စေ့စပ်သေချာစွာအသုံးချနေကြောင်းပြောကြားခဲ့ပါတယ်။ထိုသို့ကြိုးစားခဲ့တာကြောင့်လည်း BTS ဟာ အခုအချိန်မှာ အအောင်မြင်ဆုံး K-pop အဖွဲ့တွေထဲက တစ်ဖွဲ့ဖြစ်နေတာဖြစ်ပါတယ်။

Photos: Credit