မကြာသေးခင်က တောင်ကိုရီးယားနာမည်ကြီး မင်းသား Song Joong Ki အတွက် စိတ်မကောင်းစရာ အရာတစ်ခု ဖြစ်ပေါ်ခဲ့ပါတယ်။ဒါကတော့ Song Joong Ki ဟာ 2023  Baeksang အတွက် ဆန်ခါတင်စာရင်းမှာ မပါဝင်ခဲ့တာကြောင့် ဖြစ်ပါတယ်။

မကြာသေးမီက ကိုရီးယားနိုင်ငံ၏ ဂုဏ်သိက္ခာအရှိဆုံး ဆုပေးပွဲတွေထဲက တစ်ခုဖြစ်တဲ့ (၅၉) ကြိမ်မြောက် Baeksang Arts Awards ဆုပေးပွဲအတွက် ဆန်ခါတင်စာရင်းများကို ထုတ်ပြန်ကြေညာခဲ့ပြီး သက်ဆိုင်ရာဆုတွေအတွက် ပါဝင်တဲ့သူတွေကို ဆန်ခါတင်ရွေးချယ်ပြီးပြီပဲ ဖြစ်ပါတယ်။

ထိုထဲမှာ အရင်နှစ်က နာမည်ကြီး လူကြိုက်များခဲ့တဲ့ Song Joong Ki ရဲ့ ဒရမ်မာ `` Reborn Rich ‘’ ဟာ အောင်မြင်မှုများစွာ ရရှိခဲ့ပေမယ့်  Song Joong Ki ကတော့ ဆန်ခါတင်စာရင်းမှာ မပါခဲ့တာကြောင့် ပရိသတ်ပြောစရာ ဖြစ်ပါတယ်။

ဒီအကြောင်းနဲ့ပတ်သက်ပြီး ပရိသတ်တွေတော်တော်များများက Song Joong Ki ရဲ့ ကြိုးစားအားထုတ်မှုကို အသိအမှတ်ပြုမခံရတာကို စိတ်ပျက်မိကြောင်း ထုတ်ဖော်ပြောဆိုခဲ့ကြပါတယ်။ ဒါပေမယ့် ပရိသတ်အချို့ကတော့ “Reborn Rich” မှာ အဓိကဇာတ်ကောင်နှစ်ဦးရှိပြီး အခြားဇာတ်ဆောင်မင်းသား Lee Sung Min က ပိုကောင်းခဲ့တာကြောင့် ဒီရလဒ်ကို နားလည်ပေးခဲ့ကြပါတယ်။

Photos : Credit