တောင်ကိုရီးယားရဲ့ ဒိတ်ဒိတ်ကြဲမင်းသားတွေ ဖြစ်ကြတဲ့ Lee Min Ho နဲ့ Song Joong Ki တို့ဟာ တူညီတဲ့ မိန်းကလေးတစ်ဦးနဲ့ သတင်းထွက်ခဲ့ဖူးပါတယ်။ထိုအမျိုးသမီးဟာ သူတို့နှစ်ဦးနဲ့ ချိန်းတွေ့တယ်ဆိုတဲ့ ကောလဟာလတွေကြားထဲမှာ ပက်သက်ခဲ့ဖူးတာပဲ ဖြစ်ပါတယ်။

သူမကတော့ ပရိသတ်တွေအချစ်တော် မင်းသမီး Park Bo Young ပဲ ဖြစ်ပြီး သူမဟာ Song Joong Ki နဲ့  “Werewolf Boy” ဇာတ်ကားမှာ တွဲဖက်ခဲ့တာကို လူတိုင်းသိကြတာ ဖြစ်ပါတယ်။ သူတို့နှစ်ယောက်ဟာ ထိုအချိန်က ချိန်းတွေ့ ခဲ့တယ်လို့ သံသယ ဖြစ်ခံခဲ့ရပါသေးတယ်။

သတင်းစာရှင်းလင်းပွဲတစ်ခုမှာ Song Joong Ki က “Park Bo Young က ကျွန်တော့်အတွက်ပါပဲ။ Bo Young နဲ့ချိန်းတွေ့တဲ့အရှုပ်တော်ပုံမှာ အမျိုးသားဇာတ်ဆောင်ဖြစ်ချင်ပါတယ်” လို့ပြောကြားခဲ့ဖူးပြီး တကယ်တော့ Park Bo Young ဟာ  Song Joong Ki ရဲ့ ချစ်ခြင်းမေတ္တာကို ပွင့်ပွင့်လင်းလင်းဖော်ပြခံခဲ့ရတဲ့ တစ်ဦးတည်းသော မိန်းကလေးဖြစ်ပါတယ်။

Park Bo Young က Lee Min Ho နဲ့ တွဲနေတယ်ဆိုတဲ့ ကောလဟာလတွေလည်း ထွက်ပေါ်ခဲ့ပါသေးတယ်။ သူတို့နှစ်ယောက်ဟာ ဖျော်ဖြေရေးလောကထဲကို စတင်ဝင်ရောက်လာကတည်းက ရင်းနှီးတဲ့သူငယ်ချင်းတွေဖြစ်ပြီး “Secret Campus” ရုပ်ရှင်မှာလည်း အတူတွဲလုပ်ခဲ့ဖူးပါသေးတယ်။ အခုအချိန်အထိလည်း သူငယ်ချင်းကောင်းတွေအဖြစ် ရှိနေဆဲဖြစ်ပြီး လက်ရှိမှာ နှစ်ယောက်လုံး Single ဖြစ်နေတာကြောင့်ပရိသတ်တွေက လက်တွဲစေချင်နေကြတာ ဖြစ်ပါတယ်။

Photos : Credit