BVLGARI ဟာ ကမ္ဘာကျော်လက်ဝတ်ရတနာ brand တစ်ခုဖြစ်ပြီး နိုင်ငံတကာက နာမည်ကြီးအနုပညာရှင်တွေတော်တော်များများကလည်း brand ambassador အဖြစ်လုပ်ကိုင်နေကြပါတယ်။ အာရှအနုပညာရှင်တွေထဲမှာတော့ BLACKPINK-Lisa နှင့် တရုတ်မင်းသမီး Liu Yifei တို့ကသာ BVLGARI ရဲ့ အာရုံစိုက်မှုကို ရရှိနေသေးတာဖြစ်ပါတယ်။
BLACKPINK-Lisa ပြီးနောက် Liu Yifei ဟာ BVLGARI ရဲ့ brand ambassador ဖြစ်လာတဲ့ ဒုတိယမြောက် အာရှအနုပညာတစ်ယောက်ဖြစ်လာပါတယ်။ BVLGARI ရဲ့ ambassador အဖြစ် တရားဝင်ကြေညာပြီးနောက်မှာ Shanghai က ဖက်ရှင်ပွဲတစ်ခုမှာ လက်ဝတ်ရတနာတွေနဲ့အတူ တက်ရောက်ခဲ့ပါတယ်။
Liu Yifei ဟာ brand ambassador မဖြစ်ခင်ကလည်း BVLGARI ရဲ့ လက်ဝတ်ရတနာတွေကို အမြဲသဘောကျဝတ်ဆင်ခဲ့တဲ့ မင်းသမီးဖြစ်ပါတယ်။ သူမဟာ တရုတ်နိုင်ငံဖွားမင်းသမီးတစ်ယောက်ဖြစ်ပြီး ၂၀၀၂ ခုနှစ်မှာ အမေရိကန်နိုင်ငံသားအဖြစ် ခံယူခဲ့ပါတယ်။
Liu Yifei မတိုင်ခင်က Lisa ဟာ BVLGARI ရဲ့ တစ်ဦးတည်းသော အာရှအနုပညာရှင်တစ်ယောက်ဖြစ်ခဲ့ပါတယ်။ BVLGARI ရဲ့ ဈေးကြီးတဲ့လက်ဝတ်ရတနာတွေကိုဝတ်ဆင်ဖို့ အခွင့်အရေးတွေလည်း အများကြီးရခဲ့ပါတယ်။
Bong I.T