မကြာသေးမီက မင်းသမီး Mai Davika က Youtube တွင် ပရိုဂရမ်တစ်ခုဖန်တီးပြီးနောက် ပရိသတ်တွေရဲ့ ဝေဖန်မှုတွေ အများကြီးကို ခံခဲ့ရပြီး ထိုင်းအနုပညာအသိုင်းအဝိုင်းမှာ အနုပညာရှင်အချင်းချင်းတောင် ပြောဆိုမှုတွေ ရှိနေပါတယ်.. ဒီလိုတိုက်ခိုက်မှုတွေက အင်တာနက်လူမှုကွန်ရက်တွေဖြစ်တဲ့ Facebook နဲ့ Twitter တွေထိ ငြင်းခုံနေမှုတွေ ဖြစ်နေပါတယ်..
ထိုင်းအနုပညာအသိုင်းအဝိုင်းမှာ တုန်လှုပ်ချောက်ချားစရာကောင်းတဲ့ ဇာတ်လမ်းအပြီးမှာတော့ Davika က သူ့အမှားတွေကို ဝန်ခံပြီး တခြားသူတွေရဲ့ဂုဏ်သိက္ခာကို ထိခိုက်စေတဲ့ အစီအစဉ်တွေ မထုတ်လုပ်တော့ဘဲ အပြောင်းအလဲတွေ ပြုလုပ်ပြီး တင်ဆက်ပါ့မယ်လို့ သတင်းထောက်တွေရှေ့မှာ တောင်းပန်စကားဆိုလာပါတယ်..
လတ်တလောမှာတော့ Mai ဟာ လူအများရဲ့ စိတ်ပိုင်းဆိုင်ရာ ဖိအားတွေ၊ ခန္ဓာကိုယ်က ပိန်လွန်းပြားလွန်းတာတွေကို ဝေဖန်ခံနေရပေမယ့် သူမမှာ ချစ်သူ မင်းသား Ter Chantavit နဲ့ အမြဲရှိနေတာကြောင့် ခိုင်ခံ့ပြီး အမြဲပြုံးရွှင်နေဆဲပါလို့ ပြောခဲ့ပါတယ်..
မကြာသေးမီက ပြုလုပ်ခဲ့သော အင်တာဗျူးတစ်ခုမှာ Mai က “သူမဟာ ဘယ်လိုလူပဲဖြစ်နေပါစေ ချစ်သူ Ter ကတော့ ဘယ်တော့မှ သူ့ကို စိတ်ပျက်သွားမယ့်သူမဟုတ်ဘူး.. ဘယ်လောက်ပဲ ခက်ခဲနေပါစေ တခြားဘယ်သူတွေကပဲ တိုက်ခိုက်နေပါစေ သူက ဘေးမှာအမြဲရှိနေပေးတဲ့အတွက် ကျေးဇူးတင်ပါတယ်.. ၊ ဘယ်လောက်ပဲပျော်ရွှင်ပါစေ ဝမ်းနည်းနေပါစေ တစ်ယောက်ကိုတစ်ယောက်လက်မလွှတ်ဘဲ ထာဝရလက်တွဲဖို့ကြိုးစားသွားပါ့မယ်” လို့ ပြောကြားခဲ့ပါတယ်..
သတင်း အရင်းအမြစ်៖ Popular.com
Bong I.T