ချစ်စရာကောင်းတဲ့အမူအရာ ၊ တအားကို မိန်းမသားဆန်ပြီးနူးညံ့တဲ့ ရုပ်ရည်အသွင်အပြင်တွေနဲ့ ပီပြင်ပိုင်နိုင်တဲ့ သရုပ်ဆောင်ချက်တွေကြောင့် ပရိသတ်တွေ ၊ အထူးသဖြင့် မြန်မာအမျိုးသားလူထုကြီးရဲ့ အသည်းနှလုံးကို သိမ်းပိုက်ထားသူကတော့ အားလုံးက ခေး လို့ ချစ်စနိုးနဲ့ခေါ်ဆိုကြတဲ့ ခင်ဝင့်ဝါပါပဲ။
မော်ဒယ်လောကကနေ အနုပညာလောကထဲကိုခြေလှမ်းစချခဲ့တဲ့ မင်းသမီးချော ခင်ဝင့်ဝါ ကတော့ ဒီကြားထဲမှာ အနုပညာလုပ်ငန်းတွေကို အတော်အသင့်ကြာအောင်ရပ်နားခဲ့ပေမယ့် အခုချိန်မှာတော့ ခြေလှမ်းခပ်ကျဲကျဲဖြင့် လှုပ်ရှားနေပြီး ပရိသတ်နဲ့အဆက်မပြတ်စေဖို့ ကြိုးစားနေသူတစ်ဦးဖြစ်ပါတယ်။
မင်းသမီးချောလေး ခင်ဝင့်ဝါဟာ အားလုံးက သူမကိုချစ်သလိုပဲ သူမအနေနဲ့လည်းအရမ်းကို ချစ်ခင်သဘောကျရတဲ့ ပြည်တွင်းက ဝါရင့် အဆိုတော် တစ်ဦး လည်း ဖြစ်ပြီး ROCKဘုရင်ကြီး ဦးဇော်ဝင်းထွဋ်နဲ့အတူ အမှတ်တရပုံရိပ်ကို ပရိသတ်ထံ ချပြလာခဲ့ပါတယ်။ သူမ ဟာ ဦးဇော်ဝင်းထွဋ် ရဲ့ အမာခံတစ်ယောက်ဖြစ်တယ်လို့ လည်း သူမက အားပါးတရ ရေးသားထားပါသေးတယ်။
Bong I.T