မနေ့က  (၉၅) ကြိမ်မြောက် အော်စကာဆုပေးပွဲကြီးကို  အမေရိကန်နိုင်ငံ လော့စ်အိန်ဂျယ်လိစ်မြို့ မှာ ခမ်းနားစွာကျင်းပခဲ့ပြီး ကမ္ဘာကျော်အနုပညာရှင်တွေလည်း တက်ရောက်ခဲ့ကြပါတယ်။ထိုဆုပေးပွဲကြီးမှာ သက်ဆိုင်ရာ ဆုရရှိတဲ့သူတွေကို ဆုချီးမြှင့်ခဲ့ပြီး အခမ်းအနားကို အောင်မြင်စွာကျင်းပနိုင်ခဲ့ပါတယ်။

ဆုပေးပွဲမှာ မလေးရှားနိုင်ငံသူဖြစ်တဲ့ မီရှဲလ်ယိုဟာ သူမဘဝရဲ့ ပထမဆုံး အော်စကာဆုကို သိမ်းပိုက်နိုင်ခဲ့ပြီး သမိုင်းမှာ ထိုဆုကိုရရှိတဲ့ ပထမဆုံးအာရှအမျိုးသမီးသရုပ်ဆောင်အဖြစ် စံချိန်တင်နိုင်ခဲ့ပါတယ်။သူမဟာ ဆုပေါင်းများစွာလည်း သိမ်းပိုက်ထားနိုင်ခဲ့ပြီး အာရှပရိသတ်တွေ ဂုဏ်ယူရအောင် စွမ်းဆောင်နိုင်ခဲ့ပါတယ်။

သူမပါဝင်သရုပ်ဆောင်ခဲ့တဲ့ Everything Everytime All at Once ဇာတ်လမ်းဟာ အော်စကာဆုပေါင်း (၇) ခုအထိ ရရှိခဲ့သလို သူမဟာလည်း ထိုဇာတ်ကားနဲ့ ပရိသတ်တွေအံ့ဩစေမယ့် ရလဒ်မျိုးကို ပြသထားနိုင်ခဲ့တာ ဖြစ်ပြီး ဆုလက်ခံပြီးချိန်မှာလည်း  ကျေးဇူးတင်စကား ပြောကြားခဲ့ပါသေးတယ်။

မီရှယ်လ်ယိုက “ကျွန်မ ဒီဆု ရတာဟာ အိပ်မက်တွေကို ကြီးကြီးမက်လည်း အိပ်မက်တွေ တကယ်လက်တွေ့ဖြစ်လာနိုင်တယ်ဆိုတဲ့ သက်သေတစ်ခုပါပဲ။ ပြီးတော့ ဘယ်သူကမှ မင်းကို အရွယ်ကောင်းကိုကျော်သွားပြီ၊ အသက်တွေကြီးလွန်းနေပြီ၊ နောက်ကျနေပြီလို့ ပြောတာ မခံကြပါနဲ့ အမျိုးသမီးတို့ရေ”ဆိုပြီး သူမပရိသတ်တွေကိုပါ အားပေးခဲ့ပါသေးတယ်။

Photos: Credit