90’s Born အများစုရဲ့ ငယ်ချစ်ဦး အဆိုတော်မလေးလို့ဆိုလာရင်တော့ Avril Lavigne ကိုပဲရည်ညွှန်းရမှာဖြစ်ပါတယ်။သူမရဲ့ ပြောင်မြောက်တဲ့ အနုပညာတွေကြောင့် ပရိတ်သတ်တွေရဲ့ ချစ်ခင်အားပေးမှုကို ရရှိခဲ့တဲ့အပြင် သူမရဲ့ စူးရှတဲ့အကြည့်နဲ့ အသွင်အပြင်တွေကြောင့်လည်း ပရိတ်သတ်အားလုံးရဲ့ အချစ်ပိုခြင်းကို ခံခဲ့ရသူတစ်ဦးဖြစ်ပါတယ်။

သူမဟာ (၁၉၉၉) ခုနှစ် မှ စတင်ကာ တေးသီချင်းများကို ဖန်တီးခဲ့တာဖြစ်ပြီး သူမရဲ့ Complicated , When You’re gone , Girlfriend , Wish you were here , I’m with you အစရှိတဲ့ သီချင်းတွေဟာ တစ်ခေတ်တစ်ခါတွင်သာမက လက်ရှိအချိန်အထိပါ နားထောင်ရတာ ရိုးသွားတယ်ဆိုတာမရှိရလေအောင် ရေပန်းစားအောင်မြင်နေတုန်းပဲဖြစ်ပါတယ်။သူမဟာ အနုပညာလှုပ်ရှားမှုများအဖြစ် တေးသီချင်းများရေးသားဖန်တီးခြင်း ၊ တေးသီချင်းမျာ သီဆိုခြင်း နှင့် သရုပ်ဆောင်ခြင်း အစရှိတာတွေကို လုပ်ဆောင်ခဲ့တာဖြစ်ပါတယ်။

ပရိသတ်တွေ သူမရဲ့ အနုပညာကိုသာမက သူမရဲ့အချစ်ရေးကိုလည်းအမြဲစောင့်ကြည့်လေ့ရှိကြပါတယ်။ အခုအခါ အသက်(၃၈)နှစ်အရွယ်ရှိ Avril Lavigne တစ်ယောက်ဟာ Paris Fashion Week မှာ သူ့ထက်(၅)နှစ်ငယ်တဲ့ (၃၃)နှစ်အရွယ် Rap အဆိုတော် Tyga နဲ့ အနမ်းမိုးတွေရွာရင်း သူတို့နှစ်ယောက်ရဲ့ Relationship ကို တရားဝင်ချပြလိုက်ပြီဖြစ်ပါတယ်။