အရက်မသောက်တော့ဘူးဆိုကာမှ Soju ရဲ့ မော်ဒယ်လ်အဖြစ် အရွေးခံခဲ့ရတဲ့ Han So Hee

တောင်ကိုရီးယားနာမည်ကြီး မင်းသမီး Han So Hee ဟာ တောင်ကိုရီးယားရဲ့ နာမည်ကြီး အရက် Soju ရဲ့  Model အဖြစ် ရွေးချယ်ခံခဲ့ရပါတယ်။ ဒါကထူးဆန်းတဲ့ ကိစ္စတော့မဟုတ်ပေမယ့် မကြာသေးခင်က ဖြစ်ခဲ့တဲ့ အဖြစ်ကြောင့် ပရိသတ်တွေအတွက် ရယ်စရာဖြစ်ခဲ့ပါတယ်။

Han So Hee ရဲ့  မကြာသေးခင်က အရက်သောက်ပြီး လဲလျောင်းနေတဲ့ ပုံတွေဟာ လူမှုကွန်ရက်မှာ ပျံ့နှံ့ခဲ့ပြီး ပရိသတ်တွေရဲ့  အာရုံကိုဖမ်းစားနိုင်ခဲ့ပါတယ်။ ဒါ့ကြောင့် Han So Hee ဟာ အရက်ဖြတ်တော့မယ်လို့ သူမပရိသတ်တွေကို အသိပေးခဲ့တာ ဖြစ်ပါတယ်။

ထိုအချိန်ကျမှ Han So Hee အနေနဲ့  Lotte Chilsung Beverage ရဲ့ Soju အမှတ်တံဆိပ် Cheoreom အတွက် မော်ဒယ်အသစ်အဖြစ် ခန့်အပ်ခံခဲ့ရတာဖြစ်ပြီး သူမရဲ့ ပုံရိပ်နဲ့ လှပတဲ့သူတစ်ယောက်ဖြစ်တာကြောင့် သူတို့နဲ့ကိုက်ညီမယ်ထင်တဲ့အတွက် ရွေးချယ်ခဲ့တယ်လို့လည်း သိရပါတယ်။

Soju ဟာ Han So Hee နဲ့အတူ စျေးကွက်ရှာဖွေရေး လှုပ်ရှားမှု အမျိုးမျိုးလုပ်ဆောင်သွားမယ်လို့ သိရပြီး Han So Hee ပါဝင်တဲ့ ကြော်ငြာတွေကို မတ်လ ၆ ရက်နေ့မှာ Lotte Chilsung Beverage ရဲ့ တရားဝင်ချန်နယ်မှာ ထုတ်ဖော်ပြသမှာ ဖြစ်ပါတယ်။

Photos: Credit