ဟောင်ကောင်မော်ဒယ်မလေး Abby Choi ဟာဆိုရင် ဆင်ခြေဖုန်းရပ်ကွက်ကနေအိမ်တစ်ခုမှာ ရက်ရက်စက်စက် အသက်ခံခဲ့ရပြီး ချက်ပြုတ်ခြင်း ခံခဲ့ရတဲ့သူဖြစ်ပါတယ်။ ရဲတပ်ဖွဲ့ဝင်တွေရဲ့ ၂ ရက်အကြာ အသည်းအသည် စုံစမ်းစစ်ဆေးမှုတွေ ပြုလုပ်ပြီးတဲ့နောက်မှာ Abby Choi ကို သတ်တဲ့တရားခံက ခင်ပွန်းဟောင်းဖြစ်သူရဲ့ မိသားစုဝင်တွေလို့ သိရပါတယ်။

Abby Choi က ဟောင်ကောင်နိုင်ငံရဲ့ ဖက်ရှင် influencer တစ်ယောက်ဖြစ်သလို နာမည်ကြီး မော်ဒယ်တစ်ယောက်လည်း ဖြစ်ပါတယ်။ Abby Choi ရဲ့ နာမည်သတင်းကတော့ ကြောက်ဖို့ကောင်းလွန်းလှတဲ့ မှုခင်း ဖြစ်စဉ်ကြီးကြောင့် ပိုပြီး အောင်မြင် ကျော်ကြား လျက်ရှိပါတယ်။ Abby Choi ကို သတ်ဖြတ်ပြီးနောက်မှာ သူမ ခင်ပွန်းဟောင်းရဲ့ မိသားစုဝင်တွေက အသက်မရှိတော့တဲ့ အလောင်းကို အပိုင်းပိုင်း ခုတ်ထစ်ပြီး အပိုင်းသေးသေးလေးတွေ ပြုလုပ်ကာ ချက်ပြုတ်ခဲ့တယ်လို့ သိရပါတယ်။

SCMP ရဲ့ အဆိုအရ Abby Choi ရဲ့ရုပ်အလောင်းကို ဟောင်ကောင်ရဲတပ်ဖွဲ့ဝင်တွေက ဖေဖော်ဝါရီလ ၂၆ ရက်နေ့ ညနေပိုင်းအချိန်မှာ ရှာဖွေတွေ့ရှိခဲ့တာဖြစ်တယ်လို့ သိရပါတယ်။ ပထမဦးဆုံး ရှာဖွေတွေ့ရှိခဲ့တဲ့ အစိတ်အပိုင်းတွေက ဦးခေါင်းနဲ့ အရိုးတွေ ဖြစ်တယ်လို့သိရပါတယ်။

Abby Choi ရဲ့ ခန္ဓာကိုယ် အစိတ်အပိုင်းတွေကို ဆက်လက်ပြီး အင်တိုက်အားတိုက် ရှာဖွေခဲ့ရာမှာ အခြား အစိတ်စိတ်အမွှာမွှာတွေကိုလည်း ထပ်မံတွေ့ရှိခဲ့ရတယ်လို့ သိရပါတယ်။

လက်ရှိအချိန်အထိ Abby Choi ကို ရက်ရက်စက်စက်သတ်ဖြတ်ခဲ့သူတွေက သူမရဲ့ ခင်ပွန်းဟောင်းဖြစ်သူရဲ့ မိသားစုဝင်တွေ ဖြစ်တယ်လို့ ဆိုထားကြပါတယ်။