Beauty Blogger လောကမှာ (၁၀)နှစ်ဆိုတဲ့အချိန်တစ်ခု အထိ အမှန်ကန်ဆုံးနဲ့ ဖြောင့်မတ်စွာ ရပ်တည်လာနိုင်သူ ၊ သူမရဲ့ ပရိသတ်တွေတိုင်းကို စိတ်ရင်းအပြည့်နဲ့ ချစ်ပေးတတ်သူကတော့ အားလုံးက အဝင်း လို့ ချစ်စနိုးနဲ့ခေါ်ဆိုကြတဲ့ Beauty Blogger မဝင်းမင်းသန်းဖြစ်ပါတယ်။

Beauty Blogger မဝင်းမင်းသန်း ဟာ အကြောင်းအမျိုးမျိုးကြောင့် ထိန်းသိမ်းခံခဲ့ရပေမယ့် (၂၀၂၂)ခုနှစ် နှစ်ကုန်ပိုင်းရောက်ခါနီးမှာတော့ ပြန်လည်လွတ်မြောက်လာခဲ့ပြီး သူမလွတ်မြောက်လာမှု ဟာ တစ်နိုင်ငံလုံးမှာရှိတဲ့ သူမပရိသတ်တွေအတွက် တကယ်ကို ဝမ်းသာစရာ သတင်းအကြီးစားတစ်ခုလို့တောင်ဆိုလို့ရပါတယ်။

မဝင်းမင်းသန်း ဟာ သူမလွတ်မြောက်လာပြီးနောက်မှာပဲ သူမဘဝအတွက် ပျော်စရာအချိန်တွေကို ပြန်လည်တည်ဆောက်ဖြတ်သန်းနေပြီး အခုအခါမှာလည်း သူမချစ်သူနဲ့အတူ ပုဂံ ကို သွားရောက်လည်ပတ်ခဲ့ကြောင်း ကို အခုလို " စိတ်ဓာတ်မကျပါနဲ့ အသက်ကြီး ၄၀ရောက်မှပဲ ရိန်းဇားနဲ့ ပုဂံရောက်ဖူးတဲ့သူရှိတယ်တဲ့...အံ့ဩပါ့...ရိုက်သမျှပုံ edit မလုပ်ပဲ အရှိအတိုင်းတင်တယ် ... ဒါကျမစိန်တုံး ရိုက်ပေးတာလေ " လို့ ရေးသားလာခဲ့ပါတယ်။ မဝင်းမင်းသန်းတစ်ယောက် အချစ်နဲ့ပျော်မွေ့နေတာကို မြင်ရတာ ပရိသတ်တစ်ယောက်အနေနဲ့အင်မတန်ကြည်နူးရတာကြောင့် မဝင်းမင်းသန်း အမြဲတမ်း အခုလိုပဲ ပျော်ရွှင်နေနိုင်ပါစေ လို့ဆုတောင်းပေးလိုက်ရပါတယ်။