တစ်ခေတ်တစ်ခါက မြန်မာဇာတ်ကားကောင်းတွေတိုင်းမှာ အမြဲလိုလိုပါဝင်ခဲ့ပြီး တည်တည်ကြည်ကြည်နဲ့ သရုပ်ဆောင်အရာမှာ ကောင်းမွန်တာကြောင့် နာမည်ကျော်ကြား လူသိများပြီး ပရိသတ်တွေတိုင်းရဲ့ ပါးစပ်ဖျားမှာ ရေပန်းစားခဲ့ရတဲ့ အားလုံးက ချစ်ကြတဲ့ ထပ်ဆင့်အကယ်ဒမီ မင်းသားကြီး သီဟတင်စိုး ဟာ ယမန်နေ့ ဖေဖော်ဝါရီ (၂၁)ရက်နေ့ က နှလုံးရောဂါဖြင့် ရုတ်တရက်အမောဖောက်ကာ ကွယ်လွန်တိမ်းပါးသွားခဲ့တယ် လို့ သိရပါတယ်။

အဲ့သလို ကွယ်လွန်ဆုံးပါးသွားမှုအပေါ်  ကိုသီဟတင်စိုး ရဲ့ ကျန်ရစ်သူမိသားစု နဲ့အတူ တစ်နိုင်ငံလုံး က  ပရိသတ်တွေကလည်း အတော်လေးဝမ်းနည်းပူဆွေးခဲ့ကြကာ နှမြောတသဖြစ်ခဲ့ရပါတယ်။ ကိုသီဟတင်စိုး ဟာ ကွယ်လွန်ချိန်မှာ အသက်(၅၅)နှစ်သာ ရှိသေးပြီး ရုတ်တရက်ဆိုသလို ကွယ်လွန်သွားတာကြောင့် ပရိသတ်တွေရဲ့ နှ‌မြောတသဖြစ်နေမှု ဟာ အတိုင်းမသိဖြစ်နေခဲ့ကြတာကို မြင်တွေ့ရမှာ ဖြစ်ပါတယ်။

အခုလို ကိုသီဟတင်စိုးကွယ်လွန်မှု နဲ့ ပတ်သက်လို့ ကိုသီဟတင်စိုး ရဲ့ ညီမဖြစ်သူ မခင်စံပယ်ဦးက သူမ အသုံးပြုနေတဲ့ Facebook စာမျက်နှာမှာ သူမရဲ့ ခံစားချက်ကို “ ကိုညာ ဆုံးတာ၄လမပြည့်​သေးဘူးကိုကြီး​ရေ

အကို​တွေထဲမှာသ​ဘော​အကောင်းဆုံး...မဇင်မာမဆုံးခင်ကသမီးကိုက​လေး​တွေကိုအပ်သွားတယ်၊အ​မေ့ကိုလည်း​သမီးက​နေတဆင့်တောင်းပန်ကန်​တော့သွားတယ်၊အမေကကိုကြီးတို့ကိုခွင့်လွတ်ပါတယ်တဲ့၊သမီး​​လေးစပယ်ဖူးငုံဦး​ကိုမဇင်မာမရှိ​တော့ကတည်းကသမီးတို့အိမ်မှာ​ပဲ​နေ​နေတာအခု​တော့သူ့သမီး​လေးကိုစိတ်ချထားသွားခဲ့ပြီ၊က​လေး၂​ယောက်ကိုသမီးတို့အတတ်နိုင်ဆုံး​စောင်​ရှောက်ပါ့မယ်ကိုကြီး​ရေ၊​​အေးချမ်းတဲ့ဘုံဘဝကိုစိတ်​ဖြောင့်​ဖြောင့်နဲ့သွားပါ​နော်” လို့ ကြေကွဲဝမ်းနည်းဖွယ် ရေးသားဖော်ပြခဲ့ပါတယ်။