တောင်ကိုရီးယားရဲ့ နာမည်ကြီးမင်းသမီး Park Shin Hye ဟာ ယနေ့မှာတော့ အသက် (၃၃) နှစ်ပြည့်မြောက်ခဲ့ပြီ ဖြစ်ပါတယ်။အခုမွေးနေ့ဟာ သူမရဲ့ ပထမဆုံး မိခင်တစ်ယောက်အနေနဲ့ ကျင်းပတဲ့ မွေးနေ့လည်း ဖြစ်ပါတယ်။

Park Shin Hye ဟာ သူမရဲ့ မွေးနေ့မှာ ပရိသတ်တွေနဲ့ မိတ်ဆွေတွေဆီက မွေးနေ့ဆုတောင်းတွေနဲ့ လက်ဆောင်တွေကိုရရှိခဲ့ပါတယ်။ သူမဟာ လက်ဆောင်ပေးတဲ့သူတွေကိုလည်း ကျေးဇူးတင်စကားပြောကြားခဲ့ပါတယ်။

ထပ်မံပြီး မွေးနေ့ဆုတောင်းပေးကြတဲ့သူတွေကိုလည်း `` မွေးနေ့ဆုတောင်းပေးတဲ့ သူတွေကိုကျေးဇူးတင်ပါတယ်။ ကျွန်မကို အခုလိုချစ်ပေးကြလို့လည်း ကျေးဇူးတင်ပါတယ် '' ဆိုပြီး ကျေးဇူးတင်စကားနဲ့ အတူ မွေးနေ့ကိတ်နဲ့တကွ သူမရဲ့ပုံလေးတွေကိုလည်း ပရိသတ်တွေအတွက် မျှဝေခဲ့ပါသေးတယ်။

Park Shin Hye ဟာ မင်းသား Choi Tae Joon နဲ့ လက်ထပ်ခဲ့ပြီး သားဦးလေးဖွားမြင်ထားတာကြောင့် မိသားစုနဲ့ ပထမဆုံးကျင်းပခွင့်ရတဲ့ မွေးနေ့ပွဲလည်းဖြစ်ခဲ့ပါတယ်။

Photos: Credit