တောင်ကိုရီးယား ယောကျာ်းလေးများ အဆိုတော်အဖွဲ့ဖြစ်တဲ့ BTS အဖွဲ့ဝင် Suga ဟာဆိုရင် အာမီ ပရိသတ်လေးတွေကို အံ့ဩဖို့ကောင်းတဲ့ ကြေညာချက်တစ်ခုနဲ့ အံ့အားသင့်သွားအောင် လုပ်ဆောင်ခဲ့ပါတယ်။
BTS အဖွဲ့ဝင် Suga က စစ်မှုထမ်းဆောင်ပြီးသွားရင် သူ့ရဲ့ BTS အဖွဲ့ထဲက သူငယ်ချင်းတွေနဲ့ အတူ သီချင်းတွေ ပြန်ဆိုနိုင်ဦးမှာလားဆိုတဲ့အကြောင်းကို ထည့်ပြောခဲ့ခြင်း မရှိပါဘူး။ ဒါ ကြောင့် ပရိသတ်တွေက Suga ကို အဖွဲ့ထဲနေ နှုတ်ထွက်သွားဖို့များ ရှိနေတာလားဆိုပြီး များစွာ စိတ်ပူနေတာဖြစ်ပါတယ်။
Suga က စစ်မှုထမ်းဆောင်ဖို့ ကိစ္စတွေအတွက် ပြင်ဆင် နေတုန်းမှာပဲ SUCHWITA အစီအစဉ်မှာ သူ့ဘဝရဲ့ နောင်ရေးအခြေအနေတွေကို ပြောကြားခဲ့တာဖြစ်ပါတယ်။ Suga ဟာဆိုရင် နောင်အနာဂတ်မှာ ထုတ်လုပ်သူ ၊ ရက်ပါ တစ်ယောက်အနေနဲ့ ဆက်လက်ဆောင်ရွက်သွားဖို့ ရှိတယ်ဆိုပြီးလည်း အသိပေးခဲ့ပါသေးတယ်။
Suga ဟာဆိုရင် လက်မောင်းဒဏ်ရာကြောင့် စစ်မှုထမ်းဆောင်တဲ့ အချိန်မှာ သာမန်သူတွေလိုမျိုး ပြင်းထန်တဲ့ တာဝန်မျိုး မဆောင်ရွက်နိုင်တာကြောင့် ပြည်သူ့ ဝန်ထမ်းတာဝန်ကိုသာ ဆောင်ရွက်မယ့်သူဖြစ်ပါတယ်။ ဒါပေမယ့် Suga ရဲ့ တာဝန်ကာလက စစ်မှုထမ်းဆောင်တဲ့ အချိန်ကာလထက် ပိုပြီး ကြာကောင်း ကြာနိုင်တယ်လို့ သိရပါတယ်။
ပြည်သူ့ဝန်ထမ်းအဖြစ် တာဝန်ထမ်းဆောင်ပြီးတဲ့ကာလမှာ ဆက်လက် လုပ်ဆောင်နိုင်ချေရှိတဲ့ အစီအစဉ်တွေကို ထုတ်ပြောခဲ့တဲ့ BTS အဖွဲ့ဝင် Suga ရဲ့ အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။
Bong I.T