The Glory ဇာတ်လမ်းတွဲနဲ့ ပရိသတ်တွေကြားမှာ နာမည်ကြီးပြီး အောင်မြင်မှုတွေရခဲ့တဲ့ တောင်ကိုရီးယားမင်းသား Jung Sung Il ဟာဆိုရင် You Quiz အစီအစဉ်မှာ သူ့ရဲ့ ကလေးဘဝတုန်းက ခက်ခဲမှုတွေအကြောင်းကို ဖွင့်ဟပြောဆိုခဲ့ပါတယ်။ အဆိုပါ အစီအစဉ်ထဲမှာ Jung Sung Il က သူ့ရဲ့ကလေးဘဝတုန်းက ကံဆိုးမှုတွေအကြောင်းကို ပြောခဲ့ပြီး ပရိသတ်တွေကို မျက်ရည်ဝဲသွားစေခဲ့ပါတယ်။
Jung Sung Il က သူရဲ့မိခင်ကြီးက နေမကောင်းဖြစ်နေတဲ့သူဖြစ်ကြောင်း ၊ မိခင်ကြီးကို ဆေးကုသဖို့အတွက် သူတို့နဲ့အဝေးကြီးမှာ ဆေးရုံမှာထားပြီး ကုသခဲ့ရကြောင်း ၊ သူ့ရဲ့ ဖခင်ကြီးက လွတ်လွတ်လပ်လပ်နေထိုင်တတ်တဲ့သူဖြစ်တာကြောင့် အိမ်မှာ နေလေ့ နေထ မရှိကြောင်း ၊ အထက်ကျောင်း တတိယနှစ် အရွယ်မှာ မိခင်ကြီးကသက်သာလာပြီး အိမ်ကို ပြန်လာကြောင်း ၊ မိခင်ကြီးက သူ့ကို ကျောင်းတက်မယ်ဆိုရင် စာလုပ်ဖြစ်မှာမဟုတ်တာကြောင့်အနုပညာကျောင်းသာ တက်စေခဲ့ကြောင်း ၊ ဒါ ကြောင့် မင်းသား ဖြစ်လာခဲ့တာဖြစ်ကြောင်း ဆိုခဲ့ပါတယ်။
Jung Sung Il က မိဘတွေ အိမ်မှာ မရှိချိန်မှာ သူ့ရဲ့ အစ်မကြီးက မိဘတစ်ယောက်လိုမျိုး ဖြစ်ပေးခဲ့ကြောင်း ၊ အဘွားရှိခဲ့ပေမယ့် အဘွားက ခန္ဓာကိုယ်လှုပ်ရှားဖို့တောင် ခက်ခဲခဲ့ရကြောင်း ၊ အဲဒီ အချိန်တုန်းက သူနဲ့အစ်မဖြစ်သူနဲ့က မူလတန်း ကျောင်းသား အရွယ်သာ ရှိသေးကြောင်း ၊ ကျောင်းတက်ရင်း အဘွားကို ဂရုစိုက်ပေးခဲ့ကြောင်း ၊ အဘွားရဲ့ မစင်တွေနဲ့ သေးတွေကိုပါ စွန့်ဖို့အတွက် ကူညီပေးခဲ့ရကြောင်း ဆိုခဲ့ပါတယ်။ Jung Sung Il က အဘွားဖြစ်သူနဲ့ အစ်မဖြစ်သူတို့နဲ့အတူ အိမ်သေးသေးလေးမှာ နေခဲ့ရကြောင်း ၊ ၆ တန်းအရွယ်မှာ အဘွားဖြစ်သူက ဆုံးပါးသွားခဲ့ကြောင်း ၊ အစ်မ ဖြစ်သူက မိခင်ဖြစ်သူနဲ့ တွေ့ဖြစ်အောင် စောင့်ရှောက်ပေးခဲ့ရကြောင်း ၊ အစ်မ ဖြစ်သူ အိမ်ပြန်မရောက် လာခင်မှာ လူသွားစင်္ကြန်အတုံး ကြားခဲ့က ရေတွေကို သောက်ခဲ့ရကြောင်း ၊ ကျောက်တုံးကြားက ရေတွေသောက်ရဖို့ သဲတွေ အနည်ထိုင်သွားတဲ့အထိ စောင့်ခဲ့ရကြောင်း ၊ ဆာနေတဲ့ ဗိုက်ကို အဆိုပါအရည်တွေနဲ့သာ ဖြည်းဆည်းခဲ့ရကြောင်း ဆိုခဲ့ပါတယ်။
The Glory ဇာတ်လမ်းနဲ့ လျှမ်းလျှမ်းတောက် အောင်မြင်လျက်ရှိတဲ့ တစ်ခေတ်တစ်ခါက နာမည်ကြီး မင်းသား Jung Sung Il ရဲ့ ခက်ခဲလှတဲ့ ဘဝ အကြောင်းကို ပရိသတ်ကြီးအတွက် တစ်ဆင့် ထပ်မံ ဖော်ပြပေးလိုက်ပါတယ်။