Blackpink အဖွဲ့ဟာဆိုရင်အမြဲတမ်းသစ်ဆန်းတဲ့ idea တွေနဲ့သီချင်းအသစ်တွေကို ဖန်တီးလေ့ရှိတဲ့ အဖွဲ့တစ်ဖွဲ့ဖြစ်ပါတယ်။ BlackPink အဖွဲ့ဟာ ၂ နှစ်ကျော်ကြာရပ်ထားရကနေ comeback ဆိုပြီး Born Pink album နဲ့ဒီနှစ်ထဲပြန်လည်ထွက်လာခဲ့ပါတယ်။

BlackPink ရဲ့သီချင်းတွေဟာ နိုင်ငံတကာမှာလူကြိုက်များ‌ပေမယ့် ကိုရီးယားမှာတော့ အဆင့်မမှီတဲ့သီချင်းတွေဖြစ်နေပါတယ်။ နိုင်ငံ‌ပိုင်ရုပ်သံ KBS ရဲ့ထုတ်ပြန်ချက်တွေအရ BlackPink ရဲ့သီချင်းတော်တော်များများဟာ ထုတ်လွှင့်ခွင့်ပိတ်ခံထားရတယ်လို့သိရပါတယ်။ ကိုရီးယားရဲ့တင်းကျပ်တဲ့ရုပ်သံစည်းမျဉ်းတွေအောက်မှာ BlackPink သီချင်းဟာအကြောင်းအမျိုးမျိုးနဲ့ ပိတ်ခံထားရတာဖြစ်ပါတယ်။

Boombaya, See you later နဲ့ Tally တို့လိုသီချင်းတွေမှာဆိုရင် မသင့်တော်တဲ့စကားလုံးတွေပါတဲ့ စာသားတွေ၊ ကျိန်ဆဲတဲ့စာသားဆွေပါဝင်နေတာကြောင့် ထုတ်လွှင့်ခွင့်မရခဲ့ပါဘူး။ အဲ့ဒီသီချင်းတွေမှာဆိုရင် Lisa နဲ့ Jennie တို့ရဲ့အပိုဒ်တွေမှာ "F*ck" ကဲ့သို့သောပြင်းထန်တဲ့ စကားတွေထိပါဝင်တယ်လို့ KBS ကဆိုပါတယ်။

ဒါ့အပြင်နောက်ဆုံးထွက်သီချင်းနှစ်ပုဒ်ဖြစ်တဲ့ Pink Venom နဲ့ Shut Down ဟာဆိုရင်လည်း စာသားတွေထဲ brand နာမည်တွေပါဝင်နေပြီး စီးပွားရေးဆန်လွန်းတာကြောင့်လို့ဆိုကာ ထုတ်ဝေခွင့်မပြုခဲ့ပါဘူး။ ထုတ်ဝေခွင့်မရတဲ့သီချင်းတွေဟာဆိုရင် KBS ရဲ့အကြီးဆုံး Music Show ဖြစ်တဲ့ Music Bank မှာလဲပါဝင်ခွင့်မရရှိဘူးလို့သိရပါတယ်။

ရယ်စရာအကောင်းဆုံးအချက်ကတော့ KBS က Kill this love သီချင်းမှာ Rosè ရဲ့ကားပေါ်ရိုက်ထားတဲ့အပိုင်းမှာ ခါးပတ်မပါလို့ဆိုကာ ထုတ်‌လွှင့်ခွင့်ပိတ်ခဲ့တာပဲဖြစ်ပါတယ်။ အခုလို ကိုရီးယားရဲ့တင်းကျပ်တဲ့စည်းကမ်းတွေနဲ့ KBS ရဲ့မသမာတဲ့လုပ်ရပ်တွေကို ရှုတ်ချတဲ့လူတွေလည်း အများကြီးရှိလာနေပါတယ်။

 Photos-credit