မမျှော်လင့်ထားတဲ့ ရောဂါဆိုးကြီးခံစားနေရတဲ့ မင်းသား Chae Jong Hyeop

Nevertheless ဇာတ်လမ်းနဲ့ ပရိသတ်တွေကြား လူသိများလာခဲ့တဲ့ တောင်ကိုရီးယားမင်းသား Chae Jong Hyeop ဟာဆိုရင် စစ်မှုထမ်းဆောင်ခွင့်မရခဲ့ဘဲ စစ်မှုထမ်းကာလကနေ ကင်းလွတ်ခွင့် ရရှိခဲ့တယ်လို့ သိရပါတယ်။

Chae Jong Hyeop က အတက်ရောဂါကြောင့် စစ်မှုထမ်း ကာလကနေ ကင်းလွတ်ခွင့် ရရှိခဲ့တာဖြစ်ပြီး အသက် ၂၀ အရွယ်ကတည်းက အတက်ရောဂါကို စတင်ခံစားခဲ့ရတာဖြစ်တယ်လို့ သိရပါတယ်။Chae Jong Hyeop က အဆိုပါအကြောင်း အရာကို Sport Chosun နဲ့ ပြုလုပ်ခဲ့တဲ့ အင်တာဗျူးမှာ ထုတ်ဖော်ပြောကြားခဲ့တာဖြစ်ပါတယ်။

Chae Jong Hyeop က တောင်ဖရိကကို ရိုက်ကူးရေးသွားလုပ်ခဲ့စဉ်တုန်းကလည်း အတက်ရောဂါကြောင့် မူးမေ့လဲသွားခဲ့တာကြောင့် အရေးပေါ် ဆေးရုံကို အချိန်မီ ပို့ဆောင်ခဲ့ရတယ်လို့ သိရပါတယ်။ Chae Jong Hyeop က လက်ရှိမှာ အချိန်မှာ ကုသမှုကို အပြည့်အဝ ခံယူလျက်ရှိပြီး ပျောက်ကင်းနိုင်တဲ့ ရောဂါမျိုးဖြစ်တာကြောင့် အရမ်း ကြီး မစိုးရိမ်ကြဖို့ ပရိသတ်တွေကို တောင်းဆိုထားကြပါတယ်။

Chae Jong Hyeop ကို ပရိသတ်တွေက 'Nevertheless' ဇာတ်လမ်းတွဲနဲ့ အာလူးလေးလို့ လူသိများခဲ့ကြတာဖြစ်ပါတယ်။ Chae Jong Hyeop က ၂၀၁၈ ခုနှစ်တုန်းက စစ်တပ်ထဲဝင်ဖို့ဆုံးဖြတ်ခဲ့ပေမယ့် ကျန်းမာရေးကြောင့် စစ်မှုထမ်းဆောင်ခွင့် ငြင်းဆန်ခံခဲ့ရတာလို့ သိရပါတယ်။

Chae Jong Hyeop က လက်ရှိမှာ အသက် ၂၉ နှစ်အရွယ်ရှိနေပြီဖြစ်ပြီး အတက်ရောဂါကို အရှင်းပျောက်ကင်းအောင် ကြိုးစား ကုသလျက်ရှိပါတယ်။