အမေရိကားမှာ မိန်းမနဲ့ကလေးရှိနေတယ်ဆိုတဲ့ ကောလာဟလကို ဖြေရှင်းခဲ့တဲ့ Kim Jong Kook

Running Man အဖွဲ့ဝင်တစ်ယောက်လည်းဖြစ်သလို တောင်ကိုရီးယားအဆိုတော် ၊ သရုပ်ဆောင် လည်းဖြစ်တဲ့ Kim Jong Kook ဟာဆိုရင် Problem Child in House အစီအစဉ်မှာ အရင်တုန်းက ထွက်ရှိခဲ့ဖူးတဲ့ ကောလာဟလ အကြောင်း ပြောဆိုခဲ့ပါတယ်။

အဆိုပါ ကိစ္စနဲ့ပတ်သက်ပြီး Cha Tae Hyun က Kim Jong Kook ကို မေးမြန်းခဲ့တာဖြစ်ပါတယ်။ Cha Tae Hyun က Kim Jong Kook ကို အိမ်ထောင်ရေးနဲ့ ပတ်သက်ပြီး လောစ့်အိမ်ဂျယ်လိစ့်မှာ ဇနီးနဲ့ ကလေး ရှိနေတယ်ဆိုတဲ့ အကြောင်းလေးကို ပြောပြပါဦးလို့ မေးမြန်းခဲ့ပါတယ်။

အဆိုပါ အကြောင်းအရာကို Kim Jong Kook က လော့စ်အိမ်ဂျလိစ့်ကို မိခင်ကြီးနဲ့အတူတူသွားခဲ့တာဖြစ်ကြောင်း ၊ အမေနဲ့အတူ သွားတာဖြစ်လို့ သူ့အမေမှာလည်း ဇနီးရှိနိုင်တာပေါ့ဆိုပြီး အရွှန်းဖောက်ပြီး ပြောခဲ့ပါသေးတယ်။

Cha Tae Hyun က Kim Jong Kook တစ်ယောက် လော့စ်အိမ်ဂျလိစ့်ကို ခဏခဏ သွားတာဖြစ်လို့ ကလေးဖြစ်သူကို သွားကြည့်နေတာလားလို့လည်း ဟာသနှောပြီး မေးခဲ့ပါသေးတယ်။Kim Jong Kook က အခုပြောခဲ့တဲ့ အကြောင်းအရာတွေအားလုံးက ဟာသတစ်ခုသာဖြစ်ကြောင်း ၊ ဟာသတွေဖြစ်ပေမယ့်လည်း တကယ်တမ်းယုံကြည်နေတဲ့ သူတွေ ရှိနေကြောင်း ပြန်လည် ဖြေရှင်းပေးခဲ့ပါတယ်။

သူငယ်ချင်းတွေအားလုံးနဲ့ အတူတကွရှိနေတဲ့အချိန်မှာ အမေရိကားမှားမိန်းမနဲ့ကလေးရှိနေတယ်ဆိုတဲ့ ကောလဟာလကို ဖြေရှင်းခဲ့တဲ့ Kim Jong Kook အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။