မင်းသား Lee Do Hyun ဟာ "The Glory" မှာပါဝင်ဖို့ အစောပိုင်းကငြင်းဆန်ခဲ့တယ် လို့သိရပါတယ်။ "The Glory" ဟာဆိုရင် ဆောင်းဟေကို အဓိကပါဝင်သရုပ်ဆောင်ထားတဲ့ ဒရမ်မာဖြစ်ပြီး သူ့ရဲ့ကျောင်းတွင်းအနိုင်ကျင့်မှု ဇာတ်လမ်းတွေကြောင့် လူတွေကြားမှာရေပန်းစားပြီး ကြည့်ရှုနှုန်းမြင့်တဲ့ ဒရမ်မာဖြစ်ပါတယ်။
Lee Do Hyun ဟာဆိုရင် "The Glory" ထဲမှာ ဆောင်းဟေကိုရဲ့ ဂလဲ့စားချေမယ့် အစီအစဉ်ကိုကူညီပေးမယ့် ပလတ်စတစ်ဆာဂျရီ ဆရာဝန်တစ်ယောက်အနေနဲ့ သရုပ်ဆောင်ထားပါတယ်။ တော်တော်များများ မသိသေးတဲ့အချက်ကတော့ Lee Do Hyun ဟာ အစောပိုင်းက "The Glory" မှာပါဝင်ဖို့ ငြင်းဆန်ခဲ့တဲ့အချက်ဖြစ်ပါတယ်။
Lee Do Hyun ဟာ အစပိုင်းကသူ့အနေနဲ့ သူသရုပ်ဆောင်ရမယ့် ဇာတ်ရုပ်မှာ အကောင်းဆုံးသရုပ်ဆောင်နိုင်ပါ့မလား ဆိုပြီးသံသယရှိကြောင်း ပြောကာ၊ နောက်တော့ စာရေးဆရာမက နာမည်ကြီး၊ ကမ္ဘာကျော်စာရေးဆရာမဖြစ်တာကြောင့် သူ့အနေနဲ့စိတ်မပျက်စေချင်တာကြောင့်လို့ အကြောင်းပြပြီး ငြင်းခဲ့တယ်လို့ သိရပါတယ်။
နောက်တော့ စာရေးဆရာမက အကောင်းဆုံးသွားရောက် ညှိနှိုင်းနိုင်ခဲ့ပြီး "The Glory" မှာပါဝင်ဖို့ဆွဲခေါ်နိုင်ခဲ့တယ်လို့ သိရပါတယ်။ Lee Do Hyun အနေနဲ့ အစပိုင်းက သူ့ကိုယ်သူယုံကြည်ချက်မရှိပေမယ့် ဇာတ်ကားထွက်လာချိန်မှာတော့ ဆောင်းဟေကိုနဲ့ တွဲဖက်ညီစွာသရုပ်ဆောင်နိုင်ခဲ့လို့ ပရိသတ်တွေရဲ့ ချီးကျူးတာကိုခံနေရပါတယ်။
Photos-credit
