တောင်ကိုရီးယားနိုင်ငံရဲ့ ပရိသတ်တွေအားကျရတဲ့ စုံတွဲလေးတစ်တွဲဖြစ်တဲ့ လီဗြောင်ဟွန်း နဲ့ လီမင်ဂျောင်တို့ဟာ အရမ်းချစ်ကြတဲ့ စုံတွဲလေးဖြစ်ပြီး သားလေးတစ်ယောက်ပါထွန်းကားထားတာကြောင့် ပြည့်စုံတဲ့ မိသားစုဘဝကို ပိုင်ဆိုင်ထားတာ ဖြစ်ပါတယ်။ဇနီးသည် လီမင်ဂျောင်ဟာ တည်တည်တံ့တံ့နေလေ့ရှိတဲ့ လီဗြောင်ဟွန်းကို ခဏခဏစနောက်လေ့ ရှိပါတယ်။

မကြာသေးခင်က လီမင်ဂျောင်ဟာ လီဗြောင်ဟွန်းစိတ်ဆိုးအောင် စနောက်ခဲ့ပါတယ်။သူမဟာ လူမှုကွန်ယက်မှာ ပို့စ်တစ်ခုတင်ခဲ့ပြီး “I’m playing a timing game with Lee Byung Hyun” ဆိုတဲ့ အစနဲ့ ဗွီဒီယိုကို စတင်ခဲ့ပြီး နောက်မှာ ကွမ်ဆန်ဝူးနဲ့ လီမင်ဂျောင်တို့  အိပ်ယာပေါ်မှာ ရှိနေတဲ့ရုပ်ရှင်အခန်းတစ်ခန်းမှာ လီဗြောင်ဟွန်းပေါ်လာပြီး  ` No ‘လို့အော်ခဲ့ပါတယ်။ထိုဗွီဒီယိုဟာ ဖြတ်ညှပ်ကပ်လုပ်ထားတဲ့ ဗွီဒီယို ဖြစ်ပြီး ကြည့်ရသူတွေအတွက် ရီစရာ အလွန်ကောင်းခဲ့ပါတယ်။

ထို့အပြင် (၂၀၂၀) ခုနှစ်က ဒရာမာ “Once Again” မှာ လီမင်ဂျောင်နဲ့ ဇနီးမောင်နှံအဖြစ် သရုပ်ဆောင်ခဲ့တဲ့ လီဆန်းယွတ်ကို `` သူမရဲ့ ခင်ပွန်းဟောင်း”၊ လီဗြောင်ဟွန်းကို သူမရဲ့ “ခင်ပွန်းအစစ် ‘’ ဆိုပြီးတင်ကာ စနောက်ခဲ့ပါသေးတယ်။ပရိသတ်တွေက သူမစနောက်တာကို ခင်ပွန်းသည် လီဗြောင်ဟွန်း စိတ်ဆိုးမလား၊သဘောထားကြီးစွာ နားလည်ပေးမလား သိချင်နေကြပါတယ်။

Photos: Credit

သတင်း အရင်းအမြစ်៖ Kbizoom