Davika မဟုတ်တဲ့ ထိုင်းအနုပညာရှင်တွေထဲက အချစ်ဆုံးမင်းသမီးတစ်ယောက်ကို ပြောပြခဲ့တဲ့ Baifern

ထိုင်းနိုင်ငံရဲ့ ထိပ်တန်းမင်းသမီးတွေထဲက တစ်ယောက်ဖြစ်တဲ့ Baifen ကတော့ ဝင်ငွေအများဆုံး မင်းသမီးတစ်ယောက်ဖြစ်သလို ပရိသတ်တွေချစ်ခင်အားပေးကြတဲ့ သူလေးလည်းဖြစ်ပါတယ်။ ခန္ဓာကိုယ် သွယ်သွယ်လျလျလေးနဲ့ ချစ်ဖို့ကောင်းတဲ့ သူမကို ပရိသတ်တွေက အသေးလေးလို့လည်း ချစ်စနိုးခေါ်ကြပါသေးတယ်။

မြန်မာပရိသတ်တွေနဲ့တော့ “Crazy Little Thing Called Love” ဆိုတဲ့ အချစ်ဇာတ်လမ်းနဲ့ စတင် ရင်းနှီးခဲ့သူလေး ဖြစ်ပါတယ်။ Fern က Davika နဲ့ အရင်တုန်းက တစ်ယောက်နဲ့တစ်ယောက် အရမ်းကို ချစ်ခင်ရင်းနှီးကြခဲ့တာဖြစ်ပြီး သွားတူ လာအတူ နဲ့ တပူးပူး တတွဲတွဲဖြစ်ခဲ့ကြတာပါ။ လက်ရှိမှာတော့ အကြောင်းအမျိုးမျိုးကြောင့် သူတို့နှစ်ယောက်က ဝေးကွာသွားခဲ့ကြတာပဲ ဖြစ်ပါတယ်။

အခုလက်ရှိမှာတော့ Baifern က ထိုင်းမင်းသမီးလေး Yaya Urassaya ကို ချစ်ခင်သဘောကျကြောင်း show တစ်ခုမှာပြောပြခဲ့ပါတယ်။ အခွင့်သာရှိမယ်ဆိုရင် သူနဲ့အတူ ရုပ်ရှင်တူတူရိုက်ချင်တယ်လို့ပါ ပြောသွားခဲ့ပါတယ်။ MC က “တကယ်လို့ Fern က YaYa နဲ့တော့ တွဲရိုက်ရပါရဲ့ Yaya က Main Actress ဖြစ်ပြီး Fern က ဗီလိန် နေရာကနေ ကမ်းလှမ်းခံရမယ်ဆိုရင်ရော အဆင်ပြေလားလို့” မေးမြန်းခဲ့ပါတယ်။ Baifern က တော့ ဘယ်လိုပဲ ဖြစ်ဖြစ် အဆင်ပြေပါတယ်လို့ ပြောကြားခဲ့ပါတယ်။

သတင်း အရင်းအမြစ်៖ Popular