(၉)နှစ်ကျော်ကြာ တွဲလာတဲ့ ထိုင်းစုံတွဲလေးဖြစ်တဲ့ မင်းသား ချော "Mak Prin" နဲ့ မင်းသမီး Kimberly တို့ရဲ့ အချစ်ရေး က အံ့အားသင့်စရာကောင်းလောက်အောင်ကို နိုင်ငံတကာက ပရိသတ်တွေပါ အားကျရတဲ့ အတွဲလေးလည်း ဖြစ်ပါတယ်။ P Prin ကလည်း Kimmy လေးကို ကျန်ခဲ့တဲ့ April လကပဲ ဆွစ်ဇာလန်ထိ သွားပြီး လက်ထပ်ခဲ့တောင်းခဲ့ပါတယ်။  

သူတို့နှစ်ယောက်ဘယ်တော့များလက်တွဲကြမလဲဆိုပြီး ပရိသတ်တွေက ရင်ခုန်စွာနဲ့ စောင့်ဆိုင်းနေကြပါတယ်။ MK အတွဲလေးက လက်ရှိမှာလည်း ပြင်ဆင်မှုတွေတော့ ပြုလုပ်နေကြပါတယ်။ လက်ထပ်ပြီးရင် တူတူနေမယ့် အိမ်ကို စိတ်တိုင်းကျ ပြင်ဆင်ခြယ်သဆောက်လုပ်နေကြပါတယ်။ အိမ်ကလည်း ပြီးလုနီးပါးဖြစ်နေတာကြောင့် သူတို့နှစ်ယောက် အားတဲ့အချိန်တိုင်း သွားကြည့်ဖြစ်တယ်လို့ ဆိုပါတယ်။

မင်္ဂလာဆောင်နဲ့ ပတ်သက်ပြီးလည်း Fan တွေက မေးကြတဲ့အခါ “ အလုပ်ကိစ္စတွေရော အိမ်ဆောက်တာရော ပြီးသွားရင်တော့ အားလုံးမျှော်လင့်သလိုဖြစ်လာမှာပါ။” P Prin နဲ့ တူတူရိုက်ထားတဲ့ ပုံလေးနဲ့အတူ “အခုလိုချောမောလှပပြီး ချစ်ဖို့ကောင်းတဲ့ ကျွန်မရဲ့ အနာဂတ် သတို့သားလောင်းလေး P Prin ဘေးမှာ တစ်ချိန်အတူတူရှိမယ်လို့ တွေးလိုက်တာနဲ့တင် အရမ်းကိုကြည်နူးစရာကောင်းနေပါပြီလို့” စကားလုံးတွေနဲ့လည်း ချုပ်ခဲ့ပါသေးတယ်။

သတင်း အရင်းအမြစ်៖ popular.com