အပြုံးလေးတွေနဲ့ ကောင်မလေးတွေရဲ့ အသည်းကို ခြွေချသွားနိုင်တဲ့သူကတော့ ကိုရီးယားမင်းသား Kim Jae Won ပဲ ဖြစ်ပါတယ်။ လူသတ်အပြုံးလို့တင်စားခေါ်လို့သည်ထိ ချိုမြလွန်းတဲ့အပြုံးလေးပိုင်ရှင်လေးကတော့ လက်ရှိမှာ အသက် ၄၁ နှစ် ရှိပြီပဲ ဖြစ်ပါတယ်။

မြန်မာပရိသတ်တွေရဲ့ နှုတ်ခမ်းဖျားမှာ ချွဲခွာနူးလို့ ရေပန်းစားခဲ့တဲ့ သူက လက်ရှိမှာတော့ အနုပညာအလုပ်တွေကို သိပ်မလုပ်ကိုင်ဖြစ်တော့ပါဘူး။ သူနောက်ဆုံးရိုက်ကူးခဲ့တဲ့ ဇာတ်လမ်းတွဲတောင် ၂၀၁၈ ကဖြစ်ပါတယ်။ လတ်တလောမှာတော့ သူနဲ့ သူ့ချွတ်စွပ်တူတဲ့ သားလေးက လူမှုကွန်ယက်မှာ ရေပန်းစားနေတာဖြစ်ပါတယ်။

သူ့ရဲ့သားလေးကို ၂၀၂၀ တုန်းက KBS2 ရုပ်သံလိုင်းရဲ့ "Stars' Top Recipe at Fun-Staurant" Event မှာ မိတ်ဆက်ပေးခဲ့တာပါ။ ပရိသတ်တွေကလည်း ဖေဖေနဲ့ အပြုံးလေးတွေနဲ့ သွားလေးတွေက အစတူတဲ့ သားလေး Yi- Jun ကို လက်ခံအားပေးချစ်ခင်ခဲ့ကြပါတယ်။ Kim Jae Won ကတော့ သူ့သားလေးရဲ့ပုံလေးတွေကို သူထောင်ထားတဲ့ အေဂျင်စီရဲ့ flabison_ent အင်စတာဂရမ်အကောင့်မှာ အမြဲတင်ပေးလေ့ရှိပါတယ်။ ပရိသတ်တွေအတွက် ချစ်ဖို့ကောင်းတဲ့သားလေးရဲ့ ပုံရိပ်လေးတွေကို ပြန်လည်မျှဝေပေးလိုက်ပါတယ်။