ကောင်မလေးမပါပေမယ့်လည်း အပြုအမူတစ်ခုကြောင့် ချီးကျူးခံနေရတဲ့ ဆောင်းဂျွန်ကီ…

ဆောင်းဂျွန်ကီရဲ့ နောက်ဆုံးတစ်ခေါက် လေဆိပ်မှာတွေ့လိုက်ရတဲ့ ပုံဟာပရိသတ်တွေကြား အာရုံစိုက်မှုကို ရရှိခဲ့ပါတယ်။ ဇန်နဝါရီလ ၉ ရက်နေ့က ဆောင်းဂျွန်ကီဟာ ထိုင်းနိုင်ငံမှာ 2023 Golden Disc Awards ကိုလက်ခံရယူပြီး ကိုရီးယားကိုပြန်လာခဲ့ပါတယ်။ အင်ချွန်းလေဆိပ်ကို ပြန်လာတဲ့ ဆောင်းဂျွန်ကီရဲ့ပုံတွေမှာဆိုရင်တော့ ဆောင်းဂျွန်ကီကို ခပ်မိုက်မိုက်ပုံစံနဲ့တွေ့ရပြီး outfit ကလည်းတော်တော်လေးကို လန်းနေတာတွေ့ရပါတယ်။

ဒါ့အပြင်ပရိသတ်တွေက ဆောင်းဂျွန်ကီရဲ့ ယဥ်ကျေးပြီး နှိမ့်ချတတ်တဲ့ အပြုအမူကိုလည်း သတိထားမိခဲ့ကြပါတယ်။ ဆောင်းဂျွန်ကီ ဟာဆိုရင်လေဆိပ်ကအသွားရော အပြန်မှာပါ ပရိသတ်တွေနဲ့ သတင်းထောက်တွေကို ယဥ်ယဥ်ကျေးကျေးနဲ့ နှုတ်ဆက်ခဲ့တာကိုတွေ့ရပါတယ်။

ဆောင်းဂျွန်ကီဟာ ကိုရီးယားရဲ့ ကြေးအကြီးဆုံး သရုပ်ဆောင်တွေထဲကတစ်ယောက်ဖြစ်ပြီး “Vincenzo” အတွက်တစ်ပိုင်းကို ဝမ် သန်း ၂၀၀ လောက်ရရှိခဲ့ပါတယ်။ ဆောင်းဂျွန်ကီဟာ ၂၀၁၆ ခုနှစ်လောက်ကစတင်ပြီး ဒေါ်လာသန်းချီတန်တဲ့ အိမ်တွေဝယ်ပြီး အိမ်ခြံမြေတွေမှာ ရင်းနှီးမြုပ်နှံထားကာ ချမ်းသာကြွယ်ဝတဲ့ မင်းသားတစ်ယောက်အဖြစ် ရပ်တည်လျက်ရှိပါတယ်။

ပရိသတ်တွေကတော့ ဝေဖန်မှုတွေရှိလင့်ကစား ဖော်ရွေပြီး ယဥ်ကျေးတဲ့အပြုအမူရှိတဲ့ ဆောင်းဟေကိုကို အားလုံးကိုချစ်ခင်အားပေးနေကြပါတယ်။

Photos- credit