Friend Zone ထဲကနေထွက်ပြီး တစ်ယောက်နဲ့တစ်ယောက် လေ့လာနေကြတယ်ဆိုတဲ့ ထိုင်းမင်းသား Nine နဲ့ ထိုင်းမင်းသမီး Baifern တို့ကတော့ တစ်တလောမှာ တစ်ယောက်နဲ့တစ်ယောက် တပူးပူးတတွဲတွဲ ဖြစ်နေကြပါတယ်။ အခုလက်ရှိမှာလည်း သူတို့နှစ်ယောက်လုံးက New Year ကို UK မှာ တူတူဖြတ်သန်းနေကြတာပါ။

သူတို့နှစ်ယောက်က အခင်ဆုံးသူငယ်ချင်းတွေအဖြစ် ၃ နှစ် ၄ နှစ်လောက် ခင်ခဲ့ကြတာဖြစ်ပြီး အခုလတ်တလောမှာတော့ Friend Zone ထဲက ထွက်ဖို့ လေ့လာနေကြချိန်လည်း ဖြစ်ပါတယ်။ ဒီအချိန်မှာ Nine ကလည်း Baifern အကြိုက်လိုက်နေတာဖြစ်ပါတယ်။

မကြာသေးမီက Nine က Fern နဲ့ တွဲရိုက်ထားတဲ့ နှစ်ယောက်သားပုံလေးကို သူ့ရဲ့ IG လူမှုကွန်ယက်မှာ ပထမဆုံးအကြိမ် မျှဝေထားတာပဲ ဖြစ်ပါတယ်။ Fern က Nine ရဲ့လက်လေးကို တွဲပြီး ကြည်နူးနေကြတာလည်း ဖြစ်ပါတယ်။ Fern ကလည်း Nine နဲ့ နှစ်ယောက်သား ရေခဲမုန့်တူတူစားနေတဲ့ ပုံလေးကို မျှဝေထားတာပဲ ဖြစ်ပါတယ်။ ပရိသတ်တွေကတော့ ပုံလေးကိုကြည့်ပြီး “ရာသီဥတု ဘယ်လောက်အေးနေပါစေ ဘေးမှာ Nine ရှိရင် နွေးနွေးထွေးထွေးလေးဖြစ်ပြီး ရေခဲမုန့်တောင် စားနိုင်တယ်” လို့ စနောက်နေကြပါတယ်။

သတင်း အရင်းအမြစ်៖ Nine Napht's IG Acc