မကြာခင်ကမှပြီးသွားခဲတဲ့ ဆောင်းဂျွန်ကီရဲ့ "Reborn Rich" ဒရမ်မာဟာ ၂၀၂၂ ခုနှစ်ရဲ့ အအောင်မြင်ဆုံး ဒရမ်မာဖြစ်ခဲ့ပြီး JTBC အတွက်လည်း အမြတ်အစွန်းတွေအများကြီး ရှာပေးနိုင်ခဲ့ပါတယ်။

အလွန်ကြွယ်ဝချမ်းသာတဲ့ စီးပွားရေးလုပ်ငန်းရှင်မိသားစုကြီးရဲ့ အတွင်းရေးတွေကို ရိုက်ကူးပုံဖော်ထားတဲ့ အဲ့ဒီဒရမ်မာဟာဆိုရင် ပရိသတ်တွေကြားမှာ ရေပန်းစားခဲ့ပါတယ်။ ဆောင်းဂျွန်ကီပါဝင်ခဲ့တဲ့အတွက်လည်း ဒရမ်မာဟာပိုပြီး အသက်ဝင်သွားခဲ့ပြီး JTBC သမိုင်းတစ်လျှောက် ကြည့်ရှုမှုဒုတိယအများဆုံး ဒရမ်မမာလည်းဖြစ်ခဲ့ပါတယ်။

ဒါပေမယ့်လည်း ပရိသတ်တွေကတော့ "Reborn Rich" ဟာ 2022 ခုနှစ်ရဲ့ဇာတ်သိမ်းအညံ့ဆုံးဇတ်ကားလို့ ပြောနေကြပါတယ်။ မူရင်းဝတ္ထုထဲမှာ ဆွန်းယန်းဥက္ကဌ ဂျင်ယန်းချောနဲ့ အငယ်ဆုံးမြေး ဂျင်ဒိုဂျွန်းတို့ရဲ့ ဆက်ဆံရေးကိုသေသေချာချာဖော်ပြထားပါတယ်။ ဒါပေမယ့် ဇာတ်ကားရိုက်တဲ့အခါမှာတော့ ဇာတ်သိမ်းပိုင်းလောက်မှာ ရုတ်တရတ် ဇာတ်လမ်းရဲ့ အဓိကဇာတ်ဆောင်ဖြစ်တဲ့ ဂျင်ဒိုဂျွန်းကို သေစေခဲ့ပြီး သူ့ရဲ့အရင်ဘဝခန္ဓာကိုယ်နဲ့သာ ဆွန်ယန်းကိုဂလဲ့စားချေစေပြီး ဇာတ်ကားကိုအဆုံးသတ်ခဲ့ပါတယ်။

ဂလဲ့စားချေဖို့ကြိုးစားအားထုတ်မှုတွေနဲ့အတူ ပရိသတ်တွေကိုရင်ခုန်စေခဲ့တဲ့ ဂျင်ဒိုဂျွန်းကို မူရင်းဝတ္ထုထဲကအတိုင်း ဥက္ကဌမဖြစ်စေပဲ သေစေခဲ့ပြီး ဇာတ်ကားကိုပေါ့ပျက်ပျက် ဇာတ်သိမ်းစေခဲ့တာကြောင့် ပရိသတ်တွေဟာ ဒေါသတွေထွက်ခဲ့ကြသလို ဝေဖန်ခဲ့ပါတယ်။

2022 ခုနှစ်အတွင်းထွက်ခဲ့တဲ့ ဒရမ်မာတွေထဲမှာ "Twenty five, Twenty One" "Big Mouth" တို့လို ဇာတ်သိမ်းမကောင်းတဲ့ဒရမ်မာတွေရှိပေမယ့် "Reborn Rich" ကတော့အဆိုးဆုံးပဲလို့ ပြောနေကြပါတယ်။

Photos-credit