တောင်ကိုရီးယားမင်းသား Go Soo ဟာဆိုရင် My Fair Lady ၊ Will it snow for Christmas? ၊ Green Rose စတဲ့နာမည်ကြီးအောင်မြင်ခဲ့တဲ့ ဇာတ်လမ်းတွေ များစွာနဲ့ ပရိသတ်တွေရဲ့ နှလုံးသားကို ရယူနိုင်ခဲ့တဲ့သူဖြစ်ပါတယ်။

Go Soo က သရုပ်ဆောင် ကောင်းလွန်းရုံသာမက တည်ကြည်ခန့်ညားလွန်းတဲ့ ရုပ်ရည်သွင်ပြင်ကြောင့်လည်း လူကြိုက်များတဲ့ မင်းသားတစ်လတ်ဖြစ်ပါတယ်။ Go Soo က ကျောင်းတုန်းက ချစ်ကြိုက်ခဲ့တဲ့ ချစ်သူကောင်မလေးနဲ့ ၂၀၁၂ ခုနှစ်မှာ လက်ထပ်ခဲ့ပြီး ပျော်ရွှင်စရာအိမ်ထောင်ရေးလေးကို တည်ဆောက်ထားပါတယ်။

သူတို့ရဲ့ပထမဆုံးသားဦးလေးကို ၂၀၁၃ ခုနှစ်မှာ ရရှိပိုင်ဆိုင်ခဲ့ပြီး ၂၀၁၅ ခုနှစ်မှာ သမီးဦးလေးကို ထပ်မံပိုင်ဆိုင်ခဲ့ပါတယ်။Go Soo က ပုဂ္ဂိုလ်ရေးနဲ့ပတ်သက်ပြီး နာမည်ပျက်မရှိတဲ့အပြင် အနေအထိုင်အေးတဲ့သူအဖြစ်လည်း နာမည်ကြီးပါတယ်။ တစ်ချိန်က နှုတ်ခမ်းနီမလေးတွေရဲ့ အသည်းစွဲမင်းသားဖြစ်တဲ့ Go Soo ရဲ့ လက်ရှိအသက်ကတော့ ၄၃ နှစ်အရွယ်ရှိသွားပြီပဲ ဖြစ်ပါတယ်။

Go Soo က ကလေး ၂ ယောက် အဖေဖြစ်ပြီး အသက် ၄၀ ကျော်သွားပေမယ့်လည်း ငယ်ရွယ် ချောမောပြီး ခန့်ညားနေဆဲပဲဖြစ်ပါတယ်။

Go Soo ရဲ့ လက်ရှိပုံစံက ဆံပင် အရှည်လေးနဲ့ဖြစ်ပြီးခန္ဓာကိုယ် အချိုးအစားကလည်း အသက် ၂၀ ကျော် အရွယ်တုန်းကလို အပြောင်းအလဲ မရှိသေးပါဘူး။တစ်ချိန်တစ်ခါက နှုတ်ခမ်းနီမလေးတွေရဲ့ အသည်းစွဲမင်းသားဖြစ်တဲ့ Go Soo ရဲ့ လက်ရှိအခြေအနေလေးကို ပရိသတ်ကြီးအတွက်ဝေမျှပေးလိုက်ပါတယ်။