မင်းသား Choi Tae Joon နဲ့ လက်ထပ်ပြီးကတည်းက မင်းသမီး Park Shin Hye ဟာ သားလေးတစ်ယောက်မွေးဖွားခဲ့ပြီး မိခင်ဖြစ်လို့လာခဲ့ပါပြီ။ သူတို့ရဲ့ မင်္ဂလာပွဲကို2022 ခုနှစ် မေလမှာ ပြုလုပ်ခဲ့တာဖြစ်ပါတယ်။

မင်းသမီး Park Shin Hye ရဲ့ အတိတ်ကို ကြည့်ရင် သူမဟာ ကောင်းမွန်တဲ့ ဘဝလေးကို ပိုင်ဆိုင်ခဲ့ပြီး အာရှတစ်ခွင်မှာလည်း ပရိသတ်တွေရဲ့ အားပေးမှုကို အများကြီး ရှိခဲ့ပါတယ်။ ဒါပေမယ့်လည်း သူမက ငယ်စဉ်တုန်းက ခက်ခဲကြမ်းတမ်းတဲ့ ဘဝမှာ နေထိုင်ခဲ့ရပါတယ်။

“Knowing Brother” ရှိုးမှာ မင်းသမီးက သူ့မိသားစုက အရမ်းဆင်းရဲတယ်လို့ ပြောခဲ့ပါတယ်။ သူမ မူလတန်းကျောင်းတက်တုန်းက သူမမိသားစုရဲ့ ပိုက်ဆံတွေအကုန်လုံးကို လုယက်ခံခဲ့ရပါတယ်။

ဒါကြောင့် သူမက ငယ်ငယ်တုန်းက မင်းသမီးဖြစ်ဖို့ထက် ရဲအရာရှိဖြစ်ဖို့ အိပ်မက်မက်ခဲ့ပါတယ်။ အကြောင်းအရင်းကတော့ သူမကြီးလာရင် သူ့မိသားစုကို ကာကွယ်ဖို့ ရဲတစ်ယောက်ဖြစ်ချင်တာ ဖြစ်ပါတယ်။

ဒါပေမယ့် နောက်ဆုံးမှာတော့ Park Shin Hye ဟာ ဘဝအတွက် အခွင့်အရေးကောင်းတွေရခဲ့ပါတယ်။ သူမက ကိုရီးယားဒရာမာဇာတ်လမ်းတွဲတွေမှာ နာမည်ကြီးမင်းသမီးတစ်ဦးဖြစ်ခဲ့ပြီး ငယ်စဉ်ကတည်းက အကောင်းဆုံးဇာတ်ဆောင်ဆုတွေရရှိကာ အနုပညာအလုပ်တွေကို ဆက်တိုက်လုပ်ဆောင်လျက်ရှိပြီး ယနေ့ထက်တိုင် အောင်မြင်ကျော်ကြားနေပါတယ်။