YG Entertainment နဲ့ G-Dragon ဆက်လက်လက်တွဲသွားမှာလား

တောင်ကိုရီးယားအကျော်အမော် G-Dragon ဟာ တစ်ကမ္ဘာလုံးက ပရိသတ်တွေရဲ့ အသည်းနှလုံးကို အခုချိန်အထိသိမ်းပိုက်ထားတဲ့ အနုပညာရှင်တစ်ယောက်ပဲ ဖြစ်ပါတယ်။သူဟာ  အဆို၊အကပိုင်း သာမကပဲ ဖက်ရှင်နဲ့ နေထိုင်မှုပုံစံတွေကြောင့် ယောကျာ်းလေး၊မိန်းကလေးမရွေး သဘောကျကြပြီး King of K-pop လို့ တင်စားကြတာပဲဖြစ်ပါတယ်။

G-Dragon ဟာ Big Bang နဲ့အတူအောင်မြင်မှုများစွာ သိမ်းပိုက်ထားရုံမက တစ်ဦးချင်းအောင်မြင်မှုများစွာလည်း ရရှိထားပြီး YG Entertainment နဲ့လက်တွဲလာခဲ့တာလည်းကြာခဲ့ပြီ ဖြစ်ပါတယ်။မကြာသေးမီကထုတ်ပြန်ချက်အရ အဖွဲ့ဝင်တစ်ဦးဖြစ်တဲ့ Tae Yang ဟာ YG နဲ့စာချုပ်မချုပ်တော့ပဲ အေဂျင်စီပြောင်းမယ်ဆိုတဲ့ သတင်းကြောင့်  G-Dragon ဟာလည်း YG နဲ့ဆက်လက် လက်တွဲသွားမလားဆိုတဲ့ မေးခွန်းတွေ ထွက်ပေါ်လာခဲ့တာ ဖြစ်ပါတယ်။

တခြား Big Bang အဖွဲ့ဝင်တွေနဲ့ မတူဘဲ G-Dragon ကတော့ YG အနုပညာရှင်အဖြစ် ဆက်လက်ရှိနေမှာဖြစ်ပြီး စာချုပ်ပုံစံကို မဆုံးဖြတ်ရသေးပေမယ့် YG Entertainment နဲ့ ဆက်လက်လက်တွဲသွားမှာဖို့ သေချာနေပုံရပါတယ်။ပရိသတ်တွေအနေနဲ့လည်း G-Dragon ကို YG နဲ့ဆက်လက်မြင်တွေ့လိုပြီး ပရိသတ်တွေရဲ့ ဆန္ဒပြည့်ခဲ့တယ်လို့ ဆိုရမှာဖြစ်ပါတယ်။

Photos: Credit

သတင်း အရင်းအမြစ်៖ allkpop