BTS အဖွဲ့ဝင် Jungkook ဟာသူ့ရဲ့ ကမ္ဘာကျော် သီချင်းနှစ်ပုဒ်နဲ့ ခြောက်လအတွင်း နံပါတ်တစ်နေရာကို ထိန်းထားနိုင်ခဲ့ပါတယ်။ Charlie Puth နဲ့ Jungkook တို့ရဲ့ Left and Right ဟာဆိုရင် ကမ္ဘာကျော်သီချင်းဖြစ်ခဲ့ပြီးတဲ့နောက် ၆ လမပြည့်ခင်မှာပဲ Jungkook ရဲ့ကမ္ဘာ့ဖလားသီချင်း Dreamers ထွက်ရှိလာခဲ့ပြီး သူ့ရဲ့အောင်မြင်နေတဲ့စံချိန်ကို ထိန်းထားနိုင်ခဲ့ပါတယ်။

Jungkook ရဲ့ Dreamers သီချင်းဟာဆိုရင် နှစ်ပတ်အတွင်း YouTube မှာကြည့်ရှုသူ သန်း ၅၀ ကျော်ရရှိခဲ့ကာ ထွက်ရှိပြီး ၂၄ နာရီအတွင်း Billboard အပါအဝင် နိုင်ငံတကာဂီတပလတ်ဖောင်းတွေမှာ စာရင်းဝင်ခဲ့တဲ့အထိ အောင်မြင်ခဲ့ပါတယ်။

ဒါ့အပြင် Jungkook ရဲ့ Dreamers သီချင်းဟာဆိုရင် Billboard ရဲ့ Top 10 နေရာမှာ အချိန်အကြာကြီးနေနိုင်တဲ့ ပထမဦးဆုံးသော Kpop သီချင်းဖြစ်လာခဲ့ပြီး Jungkook ဟာလည်း Dreamers နဲ့ Left and Right နှစ်ပုဒ်ပေါင်းနဲ့ Billboard မှာအကြာဆုံးနေနိုင်တဲ့ Kpop အဆိုတော်အဖြစ် စံချိန်တင်နိုင်ခဲ့ပါတယ်။

အာမီလေးတွေကတော့ သူတို့ idol Jungkook အတွက် ဂုဏ်ယူနေကြပြီး ချီးကျူးဂုဏ်ပြုတာတွေလုပ်နေကြပါတယ်။

Photos- credit