တောင်ကိုရီးယားသရုပ်ဆောင်ကြီး Yeom Dong Heon ကွယ်လွန်

ရုပ်ရှင်ဇာတ်လမ်းတိုင်းလိုလိုမှာ ဇာတ်ပို့အဖြစ် ပါဝင်လေ့ရှိတဲ့ တောင်ကိုရီးယားသရုပ်ဆောင်ကြီး Yeom Dong Heon ဟာဆိုရင် ဒီဇင်ဘာ ၂ ရက် ည ၁၁ နာရီ ၅၀ မိနစ် မှာ ကွယ်လွန်ဆုံးပါးသွားခဲ့ပြီလို့ သိရပါတယ်။ မြန်မာစံတော်ချိန်နဲ့ တွက်ကြည့်မယ်ဆိုရင်တော့ သရုပ်ဆောင်ကြီး Yeom Dong Heon က ဒီကနေ့မှာ ကွယ်လွန်သွားတာဖြစ်ပါတယ်။ Yeom Dong Heon  က ကွယ်လွန်သွားချိန်မှာ အသက် ၅၅ နှစ်ရှိနေပြီပဲဖြစ်ပါတယ်။ 

သရုပ်ဆောင်ကြီး Yeom Dong Heon ကွယ်လွန်သွားပြီဖြစ်တဲ့အကြောင်းကို Star Village Entertainment ကနေပြီး တရားဝင်အတည်ပြုပေးခဲ့တာဖြစ်ပါတယ်။ 

Yeom Dong Heon ဟာဆိုရင် 1968 ခုနှစ်မှာ မွေးဖွားခဲ့တာဖြစ်ပြီး 1994 ခုနှစ်မှာ ပြဇာတ်ဇာတ်လမ်းတွေမှာပါရင်းပွဲဦးထွက်ခဲ့တာဖြစ်ပါတယ်။

Yeom Dong Heon က 'Beethoven Virus', 'The King 2 Hearts', 'Your Neighbor's Wife' နဲ့ အခြားဒရာမာများကဲ့သို့သော ဒရမ်မာများတွင် ပါဝင်သရုပ်ဆောင်ခဲ့တာကြောင့် လူသိများတဲ့သူဖြစ်ပါတယ်။ 

သရုပ်ဆောင်ကြီး Yeom Dong Heon ကမကြာသေးမီကမှ အသည်းရောဂါအတွက် ဆေးကုသမှုခံယူနေရတယ်လို့သိရပါတယ်။