တောင်ကိုရီးယားမင်းသားကြီး Shin Hyun-joon ဟာဆိုရင် ၁၉၆၈ ခုနှစ်မှာမွေးခဲ့တဲ့သူဖြစ်ပြီး လက်ရှိမှာအသက် ၅၄ နှစ်အရွယ်ရှိနေပြီပဲဖြစ်ပါတယ်။ Shin Hyun-joon က Barefoot Ki-bong ၊ Stairway to Heaven နဲ့the Marrying the Mafia sequels ဇာတ်လမ်းတွဲတွေနဲ့ လူကြိုက်များအောင်မြင်ခဲ့တဲ့သူဖြစ်ပြီး လှလွန်းတဲ့မျက်တောင်တွေကြောင့် အာရပ်မင်းသားအဖြစ်တောင် တင်စားခြင်း ခံခဲ့ရတဲ့သူဖြစ်ပါတယ်။
မင်းသားကြီး Shin Hyun-joon က ၂၀၁၃ ခုနှစ်မှာ မြင်မြင်ချင်း သဘောကျ နှစ်သက်ခဲ့ရတဲ့ ချစ်သူလေးနဲ့လက်ထပ်ခဲ့ပြီး ပျော်ရွှင်စရာ အိမ်ထောင်ရေးလေးကို ထူထောင်ခဲ့ပါတယ်။ Shin Hyun-joon က ချစ်ရတဲ့ ဇနီးသည်နဲ့ သားဦးလေး နှစ်ယောက်ကို ရရှိပိုင်ဆိုင်ခဲ့ပြီး အသက် ၅၀ ကျော်အရွယ်မှာ သမီးအထွေးဆုံးလေး နောက်တစ်ယောက်ကို ရရှိပိုင်ဆိုင်ခဲ့ပါတယ်။ မင်းသားကြီး Shin Hyun-joon က သမီးအရမ်းလိုချင်တဲ့ အဖေဖြစ်တာကြောင့် အသက် ၅၀ ကျော်မှ ရရှိခဲ့တဲ့ သမီးလေးကို တုန်နေအောင်ချစ်တဲ့အကြောင်း ကိုယ်တိုင် ဝန်ခံဖူးတဲ့သူဖြစ်ပါတယ်။
မင်းသားကြီး Shin Hyun-joon ရဲ့ သားဦးလေးကို ၂၀၁၆ ခုနှစ်မှာမွေးဖွားခဲ့ပြီး ၊ ဒုတိယသားလေးကို ၂၀၁၈ ခုနှစ်မှာ မွေးဖွားခဲ့ပါတယ်။ အချစ်ရဆုံး သမီးထွေးလေးကိုတော့ ၂၀၂၁ ခုနှစ်မှာ ရရှိပိုင်ဆိုင်ခဲ့ပါတယ်။
အသက်ကြီးမှ အိမ်ထောင်ပြုခဲ့ရသူဖြစ်တာကြောင့် ကလေးလေးတွေက ဖခင်ကြီးနဲ့ ယှဉ်လိုက်ရင် အရမ်းကိုအသက်ကွာလွန်းပါတယ်။
အသက်ကြီးမှ ရရှိပိုင်ဆိုင်ခဲ့တဲ့သမီးလေးတွေကို တုန်နေအောင်ချစ်လွန်းတဲ့မင်းသားကြီး Shin Hyun-joon ရဲ့အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။