သီချင်းကောင်းများစွာ ကို ပရိသတ်တွေရဲ့စိတ်ခံစားချက်နဲ့ ထပ်တူကျအောင် ဖန်တီးခဲ့တဲ့အပြင် ပရိတ်သတ်တွေကို တလေးတစားဆက်ဆံတတ်တဲ့အတွက် ချစ်ခင်အားပေးမှုတွေကို အပြည့်အဝရရှိခဲ့တာကတော့ အဆိုတော် ရေမွန် ပါပဲ။
ပရိသတ်တွေ ချစ်ခင်အားပေးကြရတဲ့ အဆိုတော် ရေမွန် ဟာ အဝေးတစ်နေရာမှာ ကျန်းမာရေးပြဿနာအချို့ကြောင့် (၂၀၂၁)ခုနှစ် ၊ ဇွန်လ(၂၃)ရက်နေ့မှာ ရုတ်တရက် ကွယ်လွန်သွားခဲ့ပြီး သူ့ရဲ့ ကွယ်လွန်မှုဟာ အနုပညာလောက သာမက တစ်တိုင်းပြည်လုံးကိုပါ နှမြောတသဖြစ်ပြီးပူဆွေးသောကရောက်စေတာ အခုချိန်ထိပါပဲ။
ဒီကနေ့ နိုဝင်ဘာ(၂၆)ရက်နေ့ ဟာ လူသာသေပေမယ့် နာမည်ဘယ်တော့မှ မသေသွားမယ့် ကိုရေမွန် ရဲ့ (၃၄)နှစ်ပြည့်မွေးနေ့ပါပဲ။ ပရိသတ်တွေအကုန်လုံးကလည်း ကိုရေမွန်ကို ချစ်ခြင်းများစွာဖြင့် သတိတရနဲ့ မွေးနေ့ဆုတောင်း တောင်းပေးနေကြပါတယ်။ ကိုရေမွန်တစ်ယောက် ကောင်းရာနေရာတစ်နေရာမှာအေးချမ်းစွာအနားယူနိုင်ပါစေတော့လို့ဆုတောင်းလိုက်ရပါတယ်။
Bong I.T