ကွယ်လွန်သူ မိခင်ကြီးကို ရည်စူးကာ ငွေကျပ်သိန်းတစ်ရာလှူဒါန်းခဲ့တဲ့ အဆိုတော် မန္တလေးသိန်းဇော်

ဇာတ်သဘင်ပွဲတွေ ရဲ့ ထိပ်ခေါင် လို့ဆိုလို့ရလောက်အောင်ကို သီချင်းအဆိုကောင်းသူ ၊ ဗုဒ္ဓဘာသာ ဓမ္မတေးသီချင်းတွေကို ပရိသတ်ရင်ထဲရောက်အောင် သီဆိုလေ့ရှိသူကတော့ အားလုံးက အားပေးရတဲ့ အဆိုတော် မန္တလေး သိန်းဇော်ပါပဲ။

ဇာတ်သဘင်မင်းသားကြီး အဆိုတော် မန္တလေးသိန်းဇော် ဟာ အနုပညာမှာ ထူးချွန်ရုံတင်သာမက အလှူအတန်းနဲ့ပတ်သက်ရင်လည်း အတော်လေး ရက်ရောတတ်သူဖြစ်တယ်လို့ သိရပါတယ်။ မန္တလေးသိန်းဇော် ဟာ သိပ်မကြာခင် နိုဝင်ဘာ(၁၆)ရက်နေ့ က လည်း ကွယ်လွန်သူမိခင်ကြီးအတွက် အလှူဒါနတစ်ခုကိုပြုလုပ်ခဲ့တယ်လို့ သိရပါတယ်။

ဇာတ်သဘင်မင်းသားကြီးအဆိုတော်မန္တလေးသိန်းဇော်က မိခင်ဖြစ်သူ ကွယ်လွန်ခြင်း (၃)နှစ်ပြည့်ကိုရည်စူးကာ နိုဝင်ဘာလ(၁၆)ရက်နေ့က သုဝဏ္ဏဘုမ္မိဆံတော်ရှင်သာသနာတော်သို့ငွေကျပ်သိန်းတစ်ရာ လှူဒါန်းခဲ့ကြောင်း ဖေ့ဘုတ်စာမျက်နှာမှတစ်ဆင့်ပရိသတ်များသာဓုခေါ်ဆိုနိုင်ဖို့ ရေးသားဖော်ပြခဲ့ပါတယ်။