ဆောင်းဂျွန်ကီ ဟာဆိုရင်သူ့ရဲ့ drama အသစ်ဖြစ်တဲ့ 'Reborn Rich' အတွက် သတင်းစာရှင်းလင်းပွဲကို နိုဝင်ဘာ ၁၇ ရက်နေ့မှာ တက်ရောက်လာခဲ့ပါတယ်။ သောကြာ၊ စနေ နဲ့ တနင်္ဂနွေ 3 ရက်လွှင့်မယ့်အဲ့ဒီဒရမ်မာထဲမှာဆိုရင် ဆောင်းဂျွန်ကီဟာ ဇာတ်ရုပ်နှစ်ခုကို ပါဝင်သရုပ်ဆောင်ထားပြီး အကောင်းဆုံးသရုပ်ဆောင်နိုင်ထားတယ် လို့သိရပါတယ်။
ပရိသတ်တွေနဲ့ အင်တာနက်သုံးသူတွေကတော့ ဆောင်းဂျွန်ကီရဲ့ ဇာတ်ကားထဲပါဝင်သရုပ်ဆောင်ထားတဲ့ ဇာတ်ရုပ်နဲ့ ဇာတ်ကားအကြောင်းထက်ကို ဆောင်းဂျွန်ကီရဲ့ ပွဲတက်လာတဲ့ ဖက်ရှင်ကို ပိုပြီးတော့စိတ်ဝင်စားနေကြပါတယ်။
ပွဲမှာတော့ ဆောင်းဂျွန်ကီကို ပန်းရောင်အနွေးအင်္ကျီနဲ့ ပွလွန်းတဲ့ဘောင်းဘီ ဝတ်ထားတာတွေ့ရပြီး သူဝတ်ထားတဲ့ ဘောင်းဘီဟာ ပရိသတ်တွေကြား ဆွေးနွေးစရာခေါင်းစဉ်တစ်ခု ဖြစ်လာခဲ့ပါတယ်။
ဆောင်းဂျွန်ကီရဲ့ ဘောင်းဘီဟာ အဆမတန်ရှည်လွန်းပြီး ပွလွန်းနေတာတွေ့ရပြီး ဘောင်းဘီကြောင့် သူ့ကိုအရပ်ပုတယ်လို့ထင်ရသွားစေပါတယ်။ ပရိသတ်တွေကြားမှာတော့ ဆောင်းဂျွန်ကီအနေနဲ့ ဘာလို့အဲ့ဒီလိုပွလွန်းတဲ့ ဘောင်းဘီဝတ်လာမှန်းအတိအကျ မသိပေမယ့် ဆောင်းဂျွန်ကီရဲ့ fashion designer အနေနဲ့ ဂရုစိုက်သင့်တယ်လို့ ဝေဖန်နေတာတွေလည်း ရှိလာနေပါတယ်။ တဖက်မှာတော့ ဆောင်းဂျွန်ကီရဲ့ ဖက်ရှင်ကိုအားပေးတဲ့ ပရိသတ်တွေလည်း ရှိနေပါတယ်။
Photos- credit
Bong I.T