၂၀၀၄ ခုနှစ်တုန်းက ကမ္ဘာတစ်ဝှမ်းအောင်မြင်မှုတွေ သိမ်းကြုံးရရှိခဲ့တဲ့ ချစ်စံအိမ် Full House ဇာတ်လမ်းကိုတရုတ်နိုင်ငံကနေ ဗားရှင်းအသစ်နဲ့ ရိုက်ကူးပြီးစီးသွားပြီလို့ သိရပါတယ်။

ကိုရီးယားဗားရှင်း ချစ်စံအိမ်ဇာတ်လမ်းမှာ မင်းသား Rain နဲ့ မင်းသမီး Song Hye Kyo တို့ကအဓိကဇာတ်ကောင်နေရာက ပါဝင်သရုပ်ဆောင်ထားပြီးတရုတ်ဗားရှင်းအသစ်မှာတော့ အနုပညာလောကကနေ အချိန်အတော်ကြာပျောက်ကွယ်သွားတဲ့ ကိုရီးယား-အမေရိကန်ကပြားမင်းသား Dennis Oh နဲ့ မင်းသမီး Zhang Li တို့က ပါဝင်သရုပ်ဆောင်ထားတယ်လို့ သိရပါတယ်။

Spy မင်းသားလို့လူသိများတဲ့ Dennis Oh က လက်ရှိမှာ ၄၁ နှစ်အရွယ်ရှိပြီဖြစ်ပြီး မင်းသမီး Zhang Li ကအသက် ၃၈ နှစ်အရွယ်ဖြစ်ပါတယ်။

နှစ်ဦးစလုံးက အသက် ၄၀ ဝန်းကျင်ရှိနေပြီဖြစ်တာကြောင့် နုပျိုပြီးလန်းဆန်းနေတဲ့ အရိပ်အယောင်တွေရှိတဲ့ ချစ်စံအိမ်ဇာတ်လမ်းနဲ့ လိုက်ဖက်မှု မရှိဘူးလို့ ပရိသတ်တွေက သုံးသပ်ထားကြပါတယ်။

ဇာတ်ကားကောင်းမကောင်းကို ထွက်ရှိလာမှပဲ သိရမှာဖြစ်ပေမယ့် အချိန်အတော်ကြပျောက်နေတဲ့ ပရိသတ်အချစ်တော် Spy မင်းသားကြီးရဲ့ အချစ်ကားဖြစ်တာကြောင့် ပရိသတ်တွေက များစွာ မျှော်လင့်နေကြပါတယ်။