မြန်မာပြည်ကဒရမ်မာကြိုက်သူတွေကြား ကိုရီးယားရဲ့ BL ဒရမ်မာတွေနဲ့အကျွမ်းတဝင်မရှိသေးပေမယ့် အခုထွက်မယ့် BL ဒရမ်မာကတော့ ကြည့်သင့်အထဲပါတယ်လို့ ပြောရပါမယ်။"Happy Ending Romance" လို့နာမည်ပေးထားတဲ့ အဲ့ဒီဒရမ်မာမှာဆိုရင် ယောကျာ်းလေးသုံးယောက်ကြားက သုံးပွင့်ဆိုင်အချစ်ဇာတ်လမ်းလေးကို ရိုက်ပြထားတာဖြစ်ပါတယ်။
ဇာတ်လမ်းထဲမှာတော့ စာပေနဲ့ ပုံနှိပ်ထုတ်ဝေရေး လုပ်ငန်းထဲမှာ လုပ်ကိုင်နေတဲ့ စာရေးဆရာနှစ်ယောက်နဲ့ CEO တို့ကြားက အချစ်ဇာတ်လမ်းလေးကို တွေ့ရမှာဖြစ်ပြီး ပျော်ရွှင်မှုကိုဘယ်လိုရှာဖွေကြမလဲဆိုတာကိုလည်း ရင်ခုန်စွာကြည့်ရမှာပါ။
ဇာတ်ကားထဲမှာပါဝင်မယ့် မင်းသားသုံးယောက်ထဲက Leo ဆိုတဲ့တစ်ယောက်ကတော့ VIXX အဖွဲ့ထဲက idol တစ်ယောက်ဖြစ်ပါတယ်။ ထွက်လာတဲ့ပိုစတာထဲမှာ ပျော်ရွှင်မှုကိုရှာဖွေရာခရီးဆိုတဲ့ စာသားတွေ့ရပြီး ဇာတ်ကားကတော့ နိုဝင်ဘာ ၂၄ ရက်နေ့မှာ ထွက်ရှိသွားမှာဖြစ်ပါတယ်။
BL ကားတွေသိပ်ရိုက်လေ့မရှိတဲ့ ကိုရီးယားမှာ ရိုက်လိုက်တဲ့ BL ကားတွေကလဲ အနှစ်တွေချည်းပါပဲ။ သုံးပွင့်ဆိုင်ဆိုတော့ ပရိသတ်တွေ မှောင်မှောင်မဲမဲထဲ စောင်ကိုက်ကြည့်ရမယ့် ပုံပါပဲ။
Bong I.T