မကြာသေးမီက ဒါရိုက်တာရင်လို့လူသိများတဲ့ တောင်ကိုရီးယားမင်းသားကြီး Jang Dong Gun နဲ့ ဇနီးဖြစ်သူမင်းသမီး Ko So Young တို့ ပြတိုက်တစ်ခုမှာ အတူတူချိန်းတွေ့နေကြတဲ့ ပုံရိပ်လေးတွေပြန့်နှံ့လာခဲ့ပါတယ်။ 

အဆိုပါဓာတ်ပုံလေးတွေကို မင်းသမီး Ko So Young က နိုဝင်ဘာလ ၁၁ ရက်နေ့မှာ သူမရဲ့အင်စတာဂရမ်စာမျက်နှာပေါ်မှာ ဝေမျှပေးခဲ့တာဖြစ်ပါတယ်။ 

ဓာတ်ပုံထဲမှာ  Ko So Young နဲ့ Jang Dong Gun တို့က ပြတိုက်ထဲမှာ mask လေးတွေတပ် လမ်းလျှောက်နေပြီးသက်တောင့်သက်သာရှိတဲ့အဝတ်အစားလေးတွေ ဝတ်ဆင်ထားတာဖြစ်ပါတယ်။ 

လက်ရှိမှာဆိုရင် တောင်ကိုရီးယားမင်းသမီး Ko So young နဲ့ Jang Dong Gun တို့က အသက် ၅၁ နှစ်အရွယ်ရှိနေပြီပဲဖြစ်ပါတယ်။

ဒါရိုက်တာရင်လို့ လူသိများတဲ့ မင်းသား Jang Dong Gun  နဲ့ မင်းသမီး  Ko So young တို့က ၁၉၉၈ ခုနှစ်ကနေ၁၉၉၉ ခုနှစ်အထိ ဇာတ်လမ်းတွေအတူရိုက်ရင်းနဲ့ သူငယ်ချင်းတွေ ဖြစ်လာကြတဲ့သူတွေ ဖြစ်ပါတယ်။ 

သူတို့နှစ်ဉီးက သူငယ်ချင်းတွေအဖြစ်ကနေ အဆင့်တိုးခဲ့ပြီး ၂၀၁၀ ခုနှစ်မှာ လက်ထပ်ခဲ့ကြတာဖြစ်ပါတယ်။ သူတို့နှစ်ဦးမှာသားလေးတစ်ယောက်နဲ့ သမီးလေးတစ်ယောက် ရရှိပိုင်ဆိုင်ထားပါတယ်။