ထိုင်း Channel 3 မင်းသား Nadech Kugimiyas နဲ့ မင်းသမီး Yaya Urassayas တို့ ဟာ တွဲလာခဲ့ကြတာ အခုဆိုရင် ချစ်သူသက်တမ်း 11 နှစ်ကျော်ရှိနေပြီဖြစ်ပြီး သူတို့ရဲ့မင်္ဂလာပွဲကို ပရိသတ်တွေက စောင့်မျှော်နေကြတာပါ။

ဆိုရှယ်မီဒီယာမှာ အမြဲလိုလို ချစ်စရာကောင်းနေတဲ့ စုံတွဲလေးဖြစ်တဲ့ Nadech နဲ့ Yaya တို့ဟာ နှစ်တွေကြာသွားလည်း မပြောင်းလဲတဲ့ ချစ်ခြင်းတွေနဲ့ စတွဲခါစက ချစ်ကြည်နူးနေကြသလို လူမှုကွန်ယက်မှာလည်း တစ်ယောက်နဲ့ တစ်ယောက် ဘယ်လိုချစ်ကြောင်း အမြဲဖော်ပြနေကြပါပဲ။

မကြာသေးမီက “Standard Pop” ဆိုတဲ့ အင်တာဗျူးတစ်ခုမှာ သူတို့ရဲ့ အချစ်ကြောင်းလေးနဲ့ ပတ်သက်ပြီး အင်တာဗျူးလုပ်ခဲ့ပါတယ်။ Nadech ကတော့ အဲ့ အစီအစဉ်မှာ YaYa ကိုပိုချစ်သွားအောင် စကားလုံးတွေနဲ့ ချုပ်သွားခဲ့ပါတယ်။ Nadech က Yaya ကို ကမ္ဘာပေါ်မှာ အချစ်ရဆုံးအမျိုးသမီးတွေထဲက တစ်ယောက်လို့ ပြောသွားခဲ့ပါတယ်။

ဒါ့အပြင် Nadech က “ သူအလုပ်တွေ မပင်ပန်းဘဲလုပ်နိုင်နေတဲ့ အကြောင်းရင်းတစ်ခုက Yaya ကြောင့်ပါပဲ။ Yaya က ကျွန်တော့်ဘဝအတွက် အဓိပ္ပါယ်ရှိစေတဲ့သူတစ်ယောက်ပါ။ Yaya နဲ့မဆုံခဲ့ရင် ကျွန်တော် ကြံ့ခိုင်မှာ မဟုတ်ပါဘူး။ ကျွန်တော် အဆိုးရွားဆုံးအခြေအနေတွေနဲ့ ကြုံခဲ့ရတိုင်း Yaya က ကျွန်တော့်ကို အကြံအဉာဏ်တွေပေးပြီး ဘေးကနေ အမြဲ Support ပေးပါတယ်။  

သူ့ကို ဘယ်လိုအကြံဉာဏ်နဲ့ ဆောင်ရွက်ပေးနေပါစေ သူ့ကို ဆွဲထုတ်ပြီး ပံ့ပိုးပေးတဲ့သူပါ။ ဒါကြောင့်  Yaya ကို ကမ္ဘာပေါ်မှာ အချစ်ဆုံးပဲ” ဆိုပြီး Yaya ရှေ့မှာ ရိုဆန်တဲ့ စကားတွေနဲ့ ချုပ်လိုက်ပါတော့တယ်။ ရည်းစားဖြစ်သူရဲ့ ပါးစပ်က ဒီလိုစကားတွေကြားတော့ မင်းသမီး YaYa ကလည်း ရှက်ရှက်နဲ့ ပြုံးပြီး ကျေနပ်နေပါတယ်။

သတင်း အရင်းအမြစ်៖ Popular.com