ထိုင်းမင်းသမီးချောလေး Bella Ranee ကတော့ "Ancestry 2" ဇာတ်ကားမှာ Karaket အဖြစ်သရုပ်ဆောင်ခဲ့ပြီးနောက်မှာ နိုင်ငံတကာမှာ နာမည်ကြီးလာခဲ့ပြီး ဝင်ငွေအကောင်းဆုံး မင်းသမီးအဖြစ် ရပ်တည်နိုင်ခဲ့ပါပြီ။
အနုပညာလောကမှာ နာမည်ကောင်းတွေရပြီး အောင်မြင်မှုများစွာရရှိလာပြီးနောက် Bella က ဒရာမာ၊ ရုပ်ရှင်၊ ကြော်ငြာတွေ နဲ့ ပရိုဂရမ်တွေ များစွာမှာ ပါဝင်နိုင်ခဲ့သူလည်း ဖြစ်ပါတယ်။ အချစ်ရေးနဲ့ ပတ်သက်ရင်လည်း လက်ရှိမှာ Single ဂုဏ်ပုဒ်ကို ကိုင်ဆောင်ထားတဲ့ အပျိုကြီးလည်းဖြစ်ပါတယ်။
Bella ရဲ့ အနုပညာလောကကို ပြန်ကြည့်လိုက်မယ်ဆိုရင်တော့ သူမ မင်းသမီးမဖြစ်ခင် အထက်တန်းကျောင်းတက်တဲ့ ဆယ်ကျော်သက်အရွယ်တုန်းက စားသောက်ဆိုင်တစ်ခုမှာ အချိန်ပိုင်းစားပွဲထိုးလုပ်ခဲ့ဖူးပါတယ်။ မိသားစုရဲ့ စားဝတ်နေရေး အဆင်ပြေစေဖို့အတွက် ၇ နာရီ ၈ နာရီကြာအောင် မတ်တပ်ရပ်ပြီး အလုပ်လုပ်ခဲ့ရသူလေးလည်း ဖြစ်ပါတယ်။ “မိသားစုရဲ့ ဝန်ထုပ်ဝန်ပိုးကို ဖြေလျှော့ပေးချင်ခဲ့တယ်၊ ဘာဖြစ်လို့လဲဆိုတော့ အဲဒီအချိန်တုန်းက မိသားစုစီးပွားရေးက သိပ်မကောင်းဘူး။”လို့ သူမက ပြောပြခဲ့ပါတယ်။
သတင်း အရင်းအမြစ်៖ Popular.com
Bong I.T