ဂျူမုံလို့ လူသိများတဲ့ တောင်ကိုရီးယားမင်းသားကြီး ဆောင်းအီကွတ်ဟာဆိုရင် တစ်ခေတ်တစ်ခါက ပရိသတ်တွေရဲ့ အသည်းစွဲမင်းသား ဖြစ်ခဲ့ဖူးတဲ့သူဖြစ်ပါတယ်။ မင်းသားကြီး ဆောင်းအီကွတ် ၂၀၀၈ ခုနှစ်မှာ ချစ်ရသူနဲ့လက်ထပ်ခဲ့ပြီး ဒယ်ဟန် ၊ မင်ကွတ်နဲ့ မန်ဆန်လို့ခေါ်တဲ့ အမွှာကလေး ၃ ယောက်ကို ရရှိပိုင်ဆိုင်ခဲ့ပါတယ်။
ဆောင်းအီကွတ်က မျိုးရိုးလိုက်တဲ့ မျက်စိရောဂါကို ခံစားနေရတဲ့သူဖြစ်ပြီး ကျန်းမာရေး အခြေအနေကြောင့် အနုပညာအလုပ်တွေ လုပ်တာကို ရပ်နားထားတဲ့သူဖြစ်ပါတယ်။
အနုပညာ လှုပ်ရှားမှုတွေကနေ အချိန် ၂ နှစ်ကြာ ရပ်နားထားတဲ့ မင်းသားကြီးဆောင်းအီကွတ်ဟာ မကြာသေးမီအချိန်က 42nd street ပြဇာတ်နဲ့ ပရိသတ်တွေ အရှေ့ကို ပြန်လည်ရောက်ရှိလာခဲ့ပါတယ်။
ဖခင်ဖြစ်သူနဲ့အတူ အချိန်အတော်ကြာ ပျောက်နေတဲ့ အမွှာလေးတွေကိုပါ ပြန်လည်မြင်တွေ့ခွင့် ရခဲ့ပါတယ်။ အမွှာလေး နှစ်ယောက်ဖြစ်တဲ့ ဒယ်ဟန်နဲ့မန်ဆယ်တို့က ဖခင်ကြီးရဲ့ ပြဇာတ်ကို ကိုယ်တိုင်ကိုယ်ကျ သွားရောက်အားပေးခဲ့ကြတာဖြစ်ပြီး ချောမောခန့်ညားစွာ အရွယ်ရောက်ကြီးပြင်းလာတာကြောင့် ပရိသတ်တွေကြားမှာ စိတ်ဝင်စားမှု မြင့်တက်နေခဲ့ပါတယ်။
အမွှာလေး ၃ ယောက် ထဲမှာ ဒယ်ဟန်နဲ့မန်ဆယ်ကိုပဲတွေ့ရပြီး မင်ကွတ်ကိုမတွေ့ရတာကြောင့် ကွတ်ကွတ်လေး ဘယ်ရောက်နေလဲလို့ မေးတဲ့သူတွေလည်းရှိပါတယ်။
Bong I.T